53歲自稱「大叔」的林利，最近由台灣返港，接受14日家居隔離後，日前在社交網開心宣佈：「今天出關，多了與媽團聚，也證明自己健康，終於明白能自由的可貴...今天要做的一件事，走入社會，謝謝太太體諒。夫妻說，大叔日記。」
林利今日接受《蘋果》電話訪問，透露完成兩個健康廣告後，月底便會再返台灣。對於「沙煲兄弟」呂方榮升做爸爸，林利戥對方開心之餘，自爆亦計劃跟太太Erin生小朋友，他說：「我兩個兄弟，呂方剛生咗BB，杜德偉又有咗(小朋友)，我哋都想有，或者會嘗試做試管嬰兒，始終我年紀比較大啲，睇吓可唔可以自然啦，咁佢哋都得，我哋都應該得。」
由於要照顧居港的年邁母親，又要返台灣「慰妻」，林利經常都要中台兩地飛，過去2個月內他已做了6次健康檢測。林利說：「由香港飛過去做一次，抵台做一次，出席喪禮前後做兩次，台灣返香港做一次，返到香港又做一次，足足6次。」疫情嚴峻，各地要保護自己地方，他表示理解檢測的必要性，但認為香港做得未夠全面，他說：「我覺得政府係做得差嘅，返到香港機場做深喉唾液測試，佢哋會安排你去一個地方，大約有20個人，雖然分隔得開，但管理唔好，大家坐喺啲長板凳，10個鐘頭都冇嘢食，我係自己要求先有一件蛋糕。」
林利自幼有癲癎症，直腸癌又剛康復，他向機場人員透露可否作彈性安排，但不得要領：「我有慢性疾病，如果癲癇症發作好麻煩，但佢哋衞生署人手似乎唔足，我都只能同保安講，但佢哋只係話『冇辨法，咁你休息吓先啦。』佢哋嘅心態真係好唔掂，制度出咗問題。」等候期間，他見到好多不同國籍人士，感覺好奇怪：「我覺得香港居民可以入境係需要嘅，因為要返家吖嘛，但我見到好多印尼、菲律賓、印度人喺入面，可能佢哋有身份證啦，但呢個係咪漏洞呢，我唔知。檢測完之後，又唔會畀報告你睇，只係10個鐘頭後就話你陰性走得，呢點我覺得好唔負責任。」他亦認為手帶作用不大：「嘥氣啦，我家居隔離14日都冇人打過電話嚟。」
相對而言，台灣對入境人士的檢測更為嚴謹，林利續說：「一落機就有人幫你全身消毒，包括行李，做鼻液測試後，就會安排一架完全消毒咗嘅的士載你去酒店隔離14日，舒服好多。即使我要去奔喪，台灣政府都有專人同你再次做檢測，然後安排的士車你去目的地，處事好嚴謹。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|