金像獎影帝太保和金馬奬影后吳家麗最近參與ViuTV新劇《無限斜棟有限公司》拍攝，並夥拍MIRROR成員陳卓賢（Ian）、盧慧敏、黃定謙、葉童、黃光亮、張建聲、陳桂芬、沈殷怡（Shirley）、蔡宛珊、郭嘉駿等，今日在柴灣進行開鏡拜神。
首次拍攝港劇的太保，在劇集其中一個單元飾演業主，描述與亡妻的一份情感。吳家麗則飾演人妻，但又與外籍女傭工有感情戲，她說：「唔難演，用眼神同內心戲先有挑戰性。」提到與一班新晉演員合作，太保說：「大家都有以前嘅時候，畀啲後生睇吓前輩，要識得點樣謙虛同尊師重道，午馬係我師傅，好尊重佢，有咁嘅概念先會成功，新演員每年都有，對手亦好多，所以要執生，唔容易，希望佢哋做到，努力啲，靠佢哋喇！」
Shirley在劇中飾演一名叛逆、任性、會報仇的瘋癲女子，並與陳桂芬展開一段母女情，她笑言既不用性感，又沒有感情線：「可能我黐線好好睇呢，不過冇感情線，係有啲可惜，我想搵個高瘦、白淨、哨牙，因為我有少少哨，如果另一半係哨牙就顯得我冇咁哨。」自嘲似「胖虎」的張建聲，原來因為扁桃腺問題，現時要服用類固醇，加上疫情關係不能做運動，以致身形有點肥腫，他表示要在兩星期減10磅。對於張沛樂（沙律）早前在ViuTV清談節目《晚吹 - 有酒今晚吹》中，自爆有次某位男演員在拍攝親熱戲前，向導演要求加戲，並未有預先徵求她同意下，即場攬實她示範動作，曾與她合作過的張建聲否認是涉事人，他說：「唔係我，我連沙律隻手仔都拖唔到，我哋有合作，但冇呢啲戲份。」他認為如果拍攝這類戲，一定要跟導演和演員溝通好，亦要保護好自己的私處：「其實尊重係最重要，如果有咁嘅人要加戲，嗰個係X街！」
此外，Ian在劇中飾演偵探，他表示擔心獻出自己的螢幕初吻，因他與盧慧敏有蜻蜓點水式的咀嘴戲，他笑說：「如果我同黃定謙錫，反而冇咁尷尬，因為我由細到大都喺男校大，身邊係男仔圍住我會舒服少少。」他又指之前拍劇集《男排女將》要騷肌，今次亦不例外。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|