陳柏宇（Jason）的老婆符曉薇（Leanne）早前透露於6月發現宮外孕，要切除左邊輸卵管兼終止懷孕，痛失第二胎，同月9歲大的鬆獅犬Victoria亦離世，為兩人帶來雙重打擊。想不到有人落井下石，日前無故惡意中傷Jason快將2歲的囡囡Abigail（暱稱：阿標），私訊攻擊囡囡是「垃圾、廢物」，令Leanne扯火還擊！
Leanne在IG Story上載一張私訊截圖，當中部份對話被遮蓋，但看到Hater的身份及留言：「你個女正垃圾」、「廢物」，而此人設定為私人賬戶，沒有公開。Leanne帶點無奈，但亦痛恨無事生非的人：「作為一個公眾人物，週（周）時都會遇到呢啲咁嘅人，通常都係會惡言我本人，極少會對小朋友惡言。我唔會回覆哩（呢）啲人，大家都冇乜必要同哩（呢）啲人理論，因為我相信有報應，你估喺網絡上惡言就唔係做緊壞事？其實當你有壞嘅心態，無論一個動作，就算一句說話，你都種下左（咗）一個因，所以你繼續種吧，承受嘅唔係我，只會係你自己，因為我心態比你強大。」作為公眾人物，經常都會遇到這種事，她平常選擇隻眼開隻眼閉，她續道：「想同大家分享平時我哋面對緊嘅事，有啲嘢你哋肉眼睇唔到，係因為我哋都當睇唔到，所以請你哋做一個有同理心嘅人，真係真係唔係每個人都有。」
《蘋果》今日聯絡Jason，他不怒反笑說：「好笑，居然話個BB垃圾，真係黐線㗎！我對上一次睇到人話一個BB係垃圾，應該會係卡通片或笑片。」Jason表示不知道對方動機，亦不必跟對方爭論：「佢黐線無理由同佢理論，如果佢好認真話『我認為你個女係垃圾，因為咁咁咁……十幾歲做啲好愚蠢或唔負責任嘅事』咁都ok，但BB點會係垃圾？唔明佢出發點，純粹中傷，惡意中傷一定唔會理，你點同呢類人去討論啫，但其實真係好少。」
在父母眼中，自己的小朋友永遠都是最可愛，Leanne昨日繼續在IG Story出post，貼囡囡阿標熟睡時，被媽咪用炸薯片利誘弄醒的短片，十分搞笑。Leanne留言：「怎麼這麼可愛！」她在片中還說：「有薯片，你就醒嘞，所有嘢都叫唔醒你，你睇你個樣幾樣衰，哈哈。」而Jason平時亦錫女錫到燶，有指為讓囡囡有更多活動空間，今年3月一家人搬到何文田山畔的過千呎豪宅，全屋共有四間房和四個露台，並設置衣帽間及女兒的玩具房。過去Jason更經常在IG上載囡囡的生活點滴，被稱為「晒B狂魔」，直至上月底突然清空所有內容，及後解釋是配合工作新安排。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|