39歲的袁偉豪同拍拖3年的張寶兒日前傳出婚訊，原來去年他已在加拿大求婚成功，坐定粒六做億萬「底褲大王」女婿。袁偉豪戀富家女修成正果，至於當日飽受情傷的舊愛岑杏賢，療傷足足4年後，終於在今年初才接受新戀情。
今年2月，岑杏賢自爆同加拿大籍嘅金融才俊撻著。舊愛就快做人夫，已經三字頭的岑杏賢，亦同拍拖唔夠一年的男友，有結婚嘅準備，《壹仔》求證岑杏賢，她說：「都會計劃中嘅！都會有呢個planing 嘅！」日前《壹仔》拍得她跟男友拍拖，二人公然sweet唔再避忌。蜜運中的岑杏賢一提起男友就冧到爆：「係呀！係呀！好穩定，唔係都唔會拍拖、出街，兩個人咁樣」
甜蜜撐枱腳
五個月之前，《壹仔》第一次斷正岑杏賢同男友Kevin拍拖，當時二人警覺性高，連手仔都冇拖。晚市堂食逐步放寬，日前岑杏賢終於有機會同男友撐下枱腳，開餐前，岑杏賢做足防疫措施，用消毒噴霧清潔雙手。視為結婚對象，當然要有良好溝通，成餐飯，她跟這位Mr.Right邊食邊傾，冇冷場。至於Kevin，飲完白酒，再歎紅酒。拍拖飯食足兩粒鐘，離開時，二人搭晒膊頭，非常恩愛。
大方祝福舊愛結婚
曾經奪港姐最上鏡小姐的岑杏賢，13年同袁偉豪撻著，拍拖3年，她陪著男友經歷由低爬起的事業，期間一直有傳好事近。但16 年，二人突然宣布分手，一場情侶，好聚好散，岑杏賢一直無向外透露分手原因。據知底花的袁偉豪，因被岑杏賢多次揭發背著她溝女，故最終決定分手。由拍拖到斬攬，女方寧願獨自飽受情傷，都顧住對方感受同形象。分手一年，袁偉豪就搭上同樣是港姐出身，16年奪友誼小姐的「億萬千金」張寶兒。至於幾經辛苦，讓情傷埋口的岑杏賢 ，對於舊愛快成人夫，依然大方送上祝福：「喜事點樣都會祝福嘅！最緊要係大家開開心心，搵啱適合嘅伴侶就係最緊要囉！」- 13 年，岑杏賢同袁偉豪撻著，拍拖3 年，有指女方難忍男方花心，終於分手收場。
結婚planning中
舊愛準備結婚，「最佳女友」岑杏賢亦遇到Mr right。日前《壹仔》又發現他們孖住行家品店睇廚具，唔通已經升呢去同居階段？事後岑杏賢說：「我諗呢個都係下一步嘅嘢囉，咁我哋而家都仲未同居嘅！」至於結婚計劃？她說：「都會計劃中嘅！都會有呢個planing 嘅！ 我哋兩個其實都會去諗。」其實岑杏賢身邊的一班好姊妹，如朱千雪去年下嫁青梅竹馬的醫生老公，張嘉兒更當上媽咪。又難怪岑杏賢心急嫁人。
- 二人齊齊買廚具，但岑杏賢否認同居。
憑《開心速遞》入屋
雖然與男友熱戀中，不過31歲岑杏賢就話自己不是戀愛大過天，就算在疫情期間，都忙著開工。入行差唔多10年，17年，岑杏賢先等到機會發揮，有份參演處境劇《愛。回家之開心速遞》，飾演Icy一角。近年仲有機會做埋主持。講到近況，岑杏賢表示：「係呀！我而家都係忙緊拍劇，《開心速遞》、又有《流行都市》。我完全冇影響，你知喺公司拍劇，唔會停架！自己就當然一定要加倍小心，譬如拍《開心速遞》、《流行都市》等等，都係冇得戴口罩，所以自己會加倍小心，但就冇因為呢樣野，工作量少咗囉！」- 入行10 年，17 年，岑杏賢有份參演《開心速遞》，飾演Icy 一角，終於有機會發揮。
《噴火30年壹驚艷 性感女星典藏集》特刊現已出版，各大書報攤及便利店有售，每本港幣九十八元正。
當年鏡頭下的李嘉欣、黎姿、朱茵、舒淇、邱淑貞等三十位經典港姐、性感女星，一一復刻，艷壓全港。
了解更多
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|