張達明在2011年確診鼻咽癌，雖然抗癌多年病情已趨穩定，但達明坦言自己仍未算完全康復，日前他接受苑瓊丹主持的節目訪問時，直言：「好似今日（訪問當天）要見苑仔，我就化個妝，食返肥啲睇落飽滿啲。而家我都呼籲各大監製搵我演皇帝呢類角色，坐喺度等人服侍，加上我做過周星馳同劉德華電影嘅皇帝，所以係『皇帝專業戶』。」
近年可算是達明的豐收年，除了在病後可一圓監製夢外，還憑電影《麥路人》奪下兩個電影獎項。回想得獎當天，達明笑言還以為自己被整蠱：「兩年前去華鼎獎，初時以為係做頒獎嘉賓，到場先知自己攞獎，初時唔信㗎，以為佢哋拍整蠱片，嗰次就第一次攞獎。到金像獎被認同意義好大，原來我係一個正式嘅演員，係交到貨嘅！」
達明又指當時自己有一段長時間沒拍戲，加上健康問題，起初也擔心應付不來，幸好最終不負眾望。對於自己再次拍電影，達明表示好開心，但他最希望可以再次踏上舞台演出棟篤笑：「咁多年最鍾意都係做棟篤笑，因為夠即興，試過做做吓唔記得對白，錯晒都照做落去，偏偏成為最好笑嘅一段。」
向來甚少在訪問中，提及家人的達明，今次罕有地談及囝囝張子由及囡囡張子蕎，他直言一對仔女對他來說相當重要：「（佢哋）係我人生最美麗嘅事，我係幸運兒，我會做所有嘅事令佢哋快樂。」他回想以前經常北上拍戲，沒太多時間陪伴一對子女，故覺得對他們及家人均有所愧疚。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|