又一個港姐嫁人喇！
繼前港姐陳苑澄宣布嫁人後，同係港姐出身、現年32歲嘅周美欣亦喺社交網宣布婚訊，真係恭喜晒！佢以英文表示：「將陽光帶入彼此的生活。#i said yes」又上載與未婚夫嘅合照，相中二人於太陽花海中相擁，着上白色情侶裝嘅佢哋深情對望！周美欣更露出幸福笑容，畫面十分唯美，好多網民都留言都送上祝福。
周美欣2007年參選港姐奪季軍入行，客串過無綫劇集包括《古靈精探B》、《飛女正傳》等，2010離開無綫後推出過唱片，又做過模特兒。去年佢同香港經理人公司完約後，就返回家鄉溫哥華簽約當地娛樂公司，主力向美加影圈發展！
周美欣接受訪問時透露與未婚夫John拍拖一年半，感情穩定已見家長，二人在溫哥華時透過朋友介紹認識，對方係加拿大華僑，於當地開設建築承建商公司。佢表示男友喺佢嘅32歲生日前一晚（7月9日）向佢求婚，令佢又驚又喜。周美欣稱希望婚禮能於明年夏天舉辦，對於生BB則順其自然。為避免與未婚夫分隔兩地，佢早前決定故搬回溫哥華定居，並簽約當地經理人公司，又指疫情逐漸緩和下，今月開始復工已有10個castings。
來源 source: http://hk.on.cc
|
鍾意就快D Share啦！
|
|
|