好神秘喎！
藝人陳嘉寶（Anjaylia）去年為老公黃頌祈誕下一女Hosanna，今日佢突然於社交網報喜，不但自爆原來一直秘密懷有第二胎，日前更已經順利誕下B女！陳嘉寶透露B女英文名為Eliana，指好開心有第二位小天使降臨家中，又留言指對囡囡嘅來臨非常興奮及感恩，並表示現時因忙於照顧兩位囡囡，故未能逐一答謝大家嘅祝福。大批圈中好友包括賴慰玲、倪晨曦、謝安琪及龔嘉欣等，亦有送上祝賀。其實陳嘉寶以往不時都有更新社交網，見佢一直臉尖尖、四肢纖幼，月前更公開浸浴照，完全「零孕味」，故今次離奇生B，令網民大感驚喜。
陳嘉寶接受東網訪問，佢話：「大家好，我係Anjaylia，好開心今日同大家分享一個好消息，我第二BB Eliana喺9月中旬出世啦，成個孕期都好平安，感謝主，今次我係自然分娩，過程好順利，BB差唔多7磅，過去呢幾個月都係休養關係，加上疫情，所以少咗出嚟同大家見面，期待快啲出嚟見大家！」
來源 source: http://hk.on.cc
|
鍾意就快D Share啦！
|
|
|