2020年9月4日星期五

鯨吞3包薯片罪孽深重　陳欣妍肉緊深蹲晒3吋事業線 #陳欣妍

鯨吞3包薯片罪孽深重　陳欣妍肉緊深蹲晒3吋事業線

Shirley身材之所以咁Fit，全因勤力做運動。

憑ViuTV節目《辣伙頭》和《美女郊遊遊》人氣急升的陳欣妍（Shirley），不時於社交網上載性感泳衣照大派福利，Shirley身材之所以咁Fit，全因為她勤力做運動，就算早前健身室強制關閉，她都冇偷懶「Work out」from home。今日Shirley就於IG上載相和短片，透露自己近日努力練「蜜桃臀」，她寫道：「3:30pm夠膽就swipe left!!!!!!! 懶惰的你有罪惡感嗎？我噚日食咗三包薯片，深感罪孽深重⋯⋯還債了！！！#我要做屁股王 #還有馬小姐也要追回來 #趁著放假把失去的追回來 #也許今天做得不夠好 #但做多了就進步的」

片中，拎住個壺鈴（Kettlebells）做深蹲的Shirley，做到後半段已經瞇晒眼、咬實牙關，非常肉緊；而見她每次俯身踎低都露出深長事業線，一眾網民紛紛留言大讚索爆：「有冇3吋？」、「已經好正呀！」