陳木勝妻子今日為亡夫在沙田聖本篤堂舉行追思會，受限聚令影響，不能讓所有影圈友好出席，但今日到場賓客，全都與陳木勝交情深厚，《天若有情》的劉德華、《新警察故事》的成龍、遺作《怒火》合作的甄子丹等，當然還有陳木勝視之為恩師的杜琪峯。
陳木勝（Benny）1982年加入無綫，擔任杜琪峯的助理編導，開始了師徒情，日後更獲杜sir引薦到新藝城工作，令陳木勝的導演生涯開花。今日杜sir在追思會結束後受訪，他形容會堂內氣氛良好，但一講到當下心情，杜sir沉默良久才說：「好難講出口，唔講喇。」
杜sir說與陳木勝相識39年，自己當時已是導演，陳木勝就是他的副導，杜sir讚愛徒是他遇過最出色的副導：「因為我好難合作，好難做到我副導，因為我脾氣唔好，佢係出色嗰個。佢好盡責、好有熱誠，好多時都安排好晒啲嘢，有時我想做其他嘢，佢都會話唔得，會叫我跟返時間表去做，否則會好大鑊，我都會俾佢激到冇晒符。喺呢個過程入面，佢令我知道我都需要人鞭策。」杜sir自言十分欣賞陳木勝用心工作，所以穿針引線推薦陳木勝去新藝城，為梁普智擔任副導，再次讚愛徒表現：「佢哋（新藝城）梗係滿意啦，因為我都滿意，就個個都滿意。」
杜sir細說往事，指陳木勝多年來沒有要求甚麼，反而是自己會麻煩到徒弟，他分享說：「有次我book咗間殯儀館拍戲，但我發燒，我要搵Benny 幫手。佢即刻出現，我俾咗張紙叫佢幫我搞掂，我就返屋企瞓，結果搞掂晒。」杜sir形容陳木勝有交帶、尊師重道：「差唔多每年嘅農曆新年都會嚟同我拜年，同我其他徒弟一樣。呢啲都係我哋相識嘅點滴，如果要講都實在有好多。有啲人天生出來對電影好感情、好有熱誠，承諾嘅嘢亦做到，好有職業道德。」陳木勝英年早逝，杜sir覺得非常可惜，遺憾不知道徒弟最喜歡哪一套作品，又指所有新一代的導演都應向陳木勝學習。
杜Sir沒有在追思會中見到Benny太太，但相信對方現時情緒會比較波動：「呢啲日子一定好難過，但難過都要過，總之一定要積極面對，因為仲有一對仔女喺度，樂觀啲咁講，總有一日你哋係會相見嘅。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
，陳木勝妻子今日為亡夫在沙田聖本篤堂舉行追思會，由」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售，
來源 source: http://hk.appledaily.com
|
鍾意就快D Share啦！
|
|
|
