細So被爆有「第四者」又係巨乳人妻
前DJ蘇耀宗（細So）驚爆背妻偷食，昨日更傳出名單還有「小四」節目參賽者張紫語，關係七國咁亂！至於「小三」練美施（Macy）繼續爆大鑊，默認曾為細So做過人工流產手術，坦言感情糾纏期間曾有輕生念頭！事件曝光後，Macy獲老公開腔力挺，願意共同面對。
現年41歲的細So日前被爆瞞妻出軌，搭上同樣有家室的網紅練美施（Macy）長達兩年半，昨日被揭還有「小四」！據知，Macy於2018年發現感染HPV，曾為此質問細So，細So認錯是他傳染給她，並承認在與她一起前的一年，曾與另一女子發生關係。該女子是細So主持的電視節目參賽者，因而傳出是31歲的張紫語（Jelly），她同樣是白滑人妻、身材豐滿！
問到「小四」是否張紫語？Macy只說：「佢答我係一年前嘅一位節目參賽者，從來唔知佢係邊個！因為我肯定自己冇（HPV），而先生都冇，最有可能就係嗰個人！」提到細So曾自稱跟太太驗過也沒受感染？她說：「不如問番醫生，HPV男性驗血都會有可能驗唔出，因為冇病徵嘅話可能帶菌量太少，有機會驗唔到。（染病後仍與細So有性行為？）有！直至完結前。」她又指摘細So曾要求她講大話去欺騙他太太：「佢話同太太講咗我哋冇見一年又冇租過地方，叫我幫手呃佢。」
Macy默認為男方墮胎
有指曾懷有細So骨肉及做過人工流產手術，Macy未有否認：「我冇回應。」問到手術後現時身體情況？她說：「因為情緒問題，所以甲亢復發，而且我本身體質差，所以都每日食藥。（係咪有過輕生念頭？）有出現過念頭！（依家情緒點？）暫時可以，選擇面對。」跟細So斬纜的Macy稱已獲醫師老公理解及原諒，對傳染HPV給他感抱歉，問到丈夫對今次事件的反應，她說：「佢本身了解亦明白，一直企喺我嘅方向去支持，會一齊面對。」眼見太太在網上備受抨擊，Macy老公王先生亦挺身護妻，讚太太好好之餘，又經常在病人面前盛讚她零缺點，只是為人太簡單及太易信人，又指事件已經過去，對方勇於認錯，感到其誠意！
另外，網民鬧爆Macy四宗罪，扮冇老公、賣弄性感、用女兒吸Like及平貨貴賣，她反擊指一直有說過與老公雙方有問題，至於性感則是廣告商要求，又指當客人查詢時有承認是內地貨。
|
鍾意就快D Share啦！
|
|
|
