「問過佢係咪冇咁愛我」
前商台DJ細So和已婚情婦Macy的婚外情，傷了兩個家庭，細So好男人形象一鋪清袋，而Macy向本刊赤裸剖白，她跟細So一起兩年多，經歷對方由激情狂戀，到慢慢開始少覆她的信息，「有問過佢其實係咪冇咁愛我，已經變咗，唔同最初……覺得佢已經厭咗。」
細So老婆早於18年已知二人的姦情，雖然細So自言已成功瞞騙她，但Macy怕再次被她發現不倫戀後，細So會選擇放棄她，所以寧願採取主動，自己離開細So。
- 當日細So在ig睇中白滑的Macy，就使出獵女本領，自製情聖場口。
- 二人對話中，Macy說到害怕有天細So因妻發現婚外情而離場，故她寧願主動當刻斬纜，就是怕那日自己接受不來，當時已開始厭了她的細So，一副不放手的樣子，還說無論怎樣也不會離開她。
- 兩年半的偷情失去激情，Macy在細So身上感受到:「當愛變成習慣」。
細So自製偶遇追求
婚外情剛開始時，細So不斷自製偶遇，Macy表示：「佢開頭係不停like我相，同好快read我ig story，所以我留意到，隔咗兩、三個月，我發現我車頭有一隻CD放咗喺度，開頭以為係人哋跌咗，路過嘅人放喺我架車嘅誤會，但入面有寫到字句。直到隔咗幾日又再有CD，我就知唔係誤會，但開始驚係唔知咩人跟蹤，過幾日喺公司同人講番件事時，原來佢已經喺走廊，嗰日佢見我ig story話唔開心，所以買咗盒蛋撻想放喺公司門口，但去到發現有cam，於是冇放。咁啱我就開公司落去買嘢食，佢一路跟我到便利店買嘢，再返公司開咪，同日晚上，我收到佢ig pm我。之後佢會不時突然出現，知道我嗰日會去邊度，就會偷偷望我放嘢喺我架車，然後出現我面前。」
「真係愛佢都頂唔順」
不倫戀兩年半，細So曾租工廈做炮房，後來為慳錢退租，轉玩車震，Macy更為他人工流產、染上性病(HPV)，但她對一切無怨無悔，至今年6月提出分手，全因難忍細So對她感情變淡。「為甚麽到6月（分手），其實個時間冇特別意思，只係我自己情緒已經負荷唔到，所以就算真係愛佢，都頂唔順了，100％付出晒，嗰一刻覺得要愛返自己少少。」Macy說。
她曾向細So反映，「我有問過佢其實係咪冇咁愛，已經變咗，唔同最初，佢話冇，但開始覆msg會少咗，冇咁熱情，佢講係話自己好愛（我），（我）最重要，唔會離開同放手，只係自己好忙，多嘢要諗。」
她選擇相信細So沒變心，只因自己沒法相信「事實」，事關相信他變心了，她就要推翻過去一切。
「唔想成為佢光明磊落背後嘅污點」
但Macy覺得細So已經厭倦她，「我覺得自己成為負累，加上明白佢（被商台炒魷後）要從新出發，我只會係個污點，唔想成為佢光明磊落背後嘅污點。」Macy自知姦情是錯的，不過仍難忍心痛。「即使關係係錯，但真正愛一個人，兩年半，怎會說放下就放下，直到朋友爆出事件，我都覺得係自己累咗佢，就好似我之前有同So講，我係個負累，我冇怪任何人。」
她坦言跟細So沒談過將來，對方從沒表示會離開太太。
「我從來冇要求要一個位置，只係想有人陪伴明白自己，所以我哋嘅對話，好多時我都打好多心事，寫畀佢嘅日記都一樣，係心裡面嘅事，對我嚟講，呢樣係關係裡面最珍惜嘅地方。」
學識帶眼識人
事已至此，Macy仍強調自己不是放料人，更指朋友形容她「當份愛係一碗飯，你一啖都唔會留畀自己食，畀晒佢（細So）。」她自言是真心愛細So，但如果再作選擇，她不會再傷害任何人，可能揀不會跟他開始。
而就細So要求復合，她也會拒絕，堅稱：「看清楚，所以不會。心痛有，但一切都過去。邊個真係愛過嘅人，唔係傻。如果要去計算太多，就唔係真正嘅愛。」
愛一個，上一課，在這段不倫戀中，她學會「要學識唔好不顧一切咁去愛，學識帶眼識人，學識珍惜愛自己嘅人。希望呢個係一個難關，同樣都好係一個出口。」
希望她丈夫和細So太太也學會好好愛自己。
- 她回應時認為那怕是一段錯愛的孽緣，為細So 100%付出，賠上家庭事業不是傻。
- 認清這段不倫之戀，是Macy此刻的想法。
- 王姓丈夫為把妻留住，18年得悉戴上綠帽，仍願意痴痴的等，容忍婚姻中有個情夫細So。今日終於「忍得雲開」，還說會和太太一起面對。
- 有傳細So無論婚前婚後，已偷食當常餐。當年他以第三者身份搶了首任老婆張詠妍回來，但婚後他又因偷食，離婚收場。
- Macy任中醫的老公，昨日索性不應診。
守住新聞自由 和你撐計劃每月$300起撐《壹》仔
按此了解更多
壹呼百應 號召有心人 請香港人睇壹週刊
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
