嘉華國際主席呂志和憑着於2002年進軍澳門賭業，令到身家大漲，今年他更躋身《福布斯》香港富豪榜第五位，僅次於「四叔」李兆基、「超人」李嘉誠、新世界發展鄭家純家族及劉鑾雄，身家有154億美元（約1,200億港元）。
現年91歲的呂志和與太太趙錦屏結婚近70年，二人育有三子兩女，不過夫妻生活甚低調，反而呂志和就於2013年，被傳媒影到有索腿model相伴出入集團旗下酒店。兩公婆相處自由度甚大，呂志和日前被《蘋果》讀者曾先生透過「爆相爆片」，目擊他與一名長髮女子現身西環食糖水，片中見到呂志和一身西裝，招牌式「賊仔帽」打扮，由西環源記糖水店出來，身旁有一名身穿白色裙平底鞋打扮的女子，還有一名保鑣陪同。
先步出的「戴罩」女伴，回頭轉身望了呂志和一眼，而口罩只戴了一半的呂志和，上了一架白色七人車，長髮女先安頓他上車後，自己才隨後上車。讀者曾先生接受《蘋果》訪問表示：「當日大概下午3點半，見到源記門口有個保鑣企咗喺度，之後見到佢開門，就有個年紀約30、 40歲女子行出嚟，之後就見到呂志和，佢慢慢行都好精神，同行女子就唔見有特別交流，原來已有架七人車停正喺門口等佢哋上車，當時人流唔多，都無人認得佢。」
呂志和所幫襯的源記糖水甚有名氣，有百年歷史，最出名有桑寄生蓮子蛋茶，售價39元，美國駐港總領事、食家蔡瀾及許廷鏗等都是該店的捧場客，成為不少外國旅遊書推介的糖水店。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
