幾忙都好，都要抽時間保養嘅～
天王郭富城（城城）老婆方媛經常喺社交網分享生活，生活悠哉，尋日佢就帶咗兩個女出去玩！紮上兩條辮嘅「大寶」開心得彈吓彈吓，背影非常可愛！
之後方媛再出晒「飯後散步」照，只有3歲大嘅「大寶」身高已經去到媽咪條腰，網民都話唔經唔覺已經咁大個喇，而兩姊妹都有個共通點就係髮量超多！雖然好似忙唔停湊女又要煮飯，但方媛都唔敢偷懶落力護膚扮靚冧城城，又留言「充實的每一天」，幸福嘅生活真係令人羨慕呀！
另外，香港開電視《娛樂頭條》早前特別邀請賽馬主持伍碧權接受訪問，當中談到1994年，見習騎師林嘉成遇交通意外，重傷昏迷，由於林嘉成一直視郭富城為偶像，伍碧權為了愛徒不惜冒昧透過朋友請得郭富城到醫院為林嘉成打氣，但可惜林嘉成最終都撤手人寰。
節目中，城城亦有對當年曾為林嘉成打氣，作出回應：「我記得當時於他耳邊唱《對你愛不完》，是他最喜歡的。當時他傷得很重，大家都很擔心他。」被問到若日後有類似事件，會否再次伸出援手，城城迅即道：「當然！我很樂意、亦十分願意，只要有地方需要自己幫忙的話，絕對願意出一分力！」
來源 source: http://hk.on.cc
|
鍾意就快D Share啦！
|
|
|
