陳明恩及黃劍文今日到觀塘創世電視錄影中秋節網上音樂節目，兩人以古裝造型現身，懷孕7個多月的陳明恩，以寬鬆古裝扮相示人，代表創世電視的葉家寶表示，音樂會將於9月27日在網上平台播映。
雖然已腹大便便，但陳明恩仍相當靈活，她笑謂：「而家有少少唔慣，彎低身有少少唔方便。我哋仲有好多嘢未準備好，不過都唔急。」陳明恩希望可以順產，由於疫情關係，很多時間留於家中，閒時會在YouTube做孕婦運動：「希望可以幫到順產，就算唔得，keep住做運動都係好嘅。」陳明恩笑言最近才開始緊張，經常考慮順產與否的問題：「我知順產對BB健康好啲，同埋媽媽康復都快啲。我都想盡快收身，好掛住條腰呀。」
她透露最近有抽筋情況，幸好家中有老公仔充當按摩師：「佢好叻，之前已經學過按摩，見我咁辛苦會幫我按。」問她會否趁肚子越來越大影懷孕照？陳明恩表示下星期會去影，但不會影全裸懷孕相：「nude（裸體）淨係留返畀老公仔。」她表示原定安排到澳洲生產，但現時要視乎航班能否起飛：「爸爸媽媽都喺澳洲準備緊，睇下到時去唔去到啦，交畀神決定。」
雖然懷孕，加上武漢肺炎疫情仍未完全清零，但陳明恩做訪問時未有戴上口罩，她說：「多謝你哋個個都有戴口罩，我自己平日出街都戴晒口罩同面罩，盡可能少出去，老公收工會幫手買餸或者買外賣。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
