楊峰（左）要求梁思浩道歉！
演藝人協會會長古天樂牽頭發起「香港電影工作者疫境支援計劃」，派9,000元幫助基層電影人，原本是好事，怎料因申請資格惹起爭議，是非不斷！
網台DJ梁思浩日前在節目指歌手楊峰的契媽黃夏蕙，是擁有幾層物業的有錢人，但她竟去領取抗疫基金，還拿着支票在網上炫耀。對此，楊峰反擊指其契媽沒有思浩所說的有幾幢物業，近10年都是靠表演的酬金過活，而近幾個月因疫情問題，所有商演及工作也停止，近半年已損失了六位數字的廣告。而他契媽亦沒有儲錢習慣，積蓄不多。
楊峰批評梁思浩勿為網台提高點擊，胡亂猜測別人經濟狀況，又將其自己的想法套在另人身上。楊峰更指睇完節目後，嬲到爆粗，反問身為億萬富翁的梁思浩，在疫情期間為市民做過甚麼？他說：「發財必先立口品！否則財富有像過眼雲煙，轉眼即逝！」並望不明白人間疾苦的梁思浩收口及道歉。
梁思浩唔知楊峰係乜水
對於楊峰對的指控，梁思浩在電話中表示：「其實因為我知演藝人協會嘅劉偉強同古天樂籌錢籌得好辛苦，而佢哋嘅目的主要係想幫啲好燃眉之急，生活好困難嘅幕後同行，而唔係呢啲唔係咁困難嘅同行，我係對事唔係對人，所以就算見到黃夏蕙都唔會尷尬，我都有講陳庭欣同唐文龍會將啲援助金捐出嚟嘅事，唔通我又針對佢哋兩個咩。」
楊峰指契媽非有錢人，思浩就話：「佢契媽曾經上咗我節目做嘉賓，嗰次送咗個9千蚊嘅金財神畀我，我又喺豪宅啲會所撞見過佢喎，我覺得佢契媽唔係咁急需要呢援助金9千蚊囉。」楊峰指他是億萬富翁，問他在疫情期間可有對社會作出貢獻？思浩就話：「我歡迎佢嚟我官網睇睇，了解吓我喺呢個疫情期間做過啲乜，我派咗幾多米、飯盒、口罩，做過咩義工先囉，不過我做義工好低調，唔會次次call記者，所以冇乜人知。」問思浩可認識楊峰？他說不認識楊峰：「佢係邊個，（楊峰係歌手。）歌手？失敬。（會唔會聽楊峰話收工同道歉？）唔會，絕對冇呢個需要。」
來源 source: http://hk.on.cc
|
鍾意就快D Share啦！
|
|
|
