資深藝人譚炳文於本月5日因肺癌病逝，享年86歲，其家人今日假紅磡世界殯儀館地下世界堂，為炳哥設靈及舉行追思會。 黃昏時間，電視廣播有限公司副主席及集團行政總裁李寶安、汪明荃、呂珊、余詠珊、何哲圖、杜之克、鮑起靜等賓客陸續抵達，由於正下大雨的關係，眾來賓都顯得有點狼狽，李寶安步行到殯儀館門外時，更不慎絆腳，不過幸好沒有跌低受傷。
跟炳哥亦師亦友的薛家燕，在靈堂外接受傳媒訪問時，顯得頗為哀傷，更一度眼泛淚光，家燕姐表示：「初初真係好唔捨得，但經過呢兩個幾星期，我嘅感覺就係炳哥都係笑喪，佢都80幾歲，佢囡囡同我講佢去得好安詳，我只係感覺有啲遺憾，好遺憾佢走之前，我冇去醫院同佢問安。」家燕姐憶述當時曾對炳哥表示自己會到醫院探望對方，但因為疫情關係，醫院不允許親友探訪，故一直未能兌現承諾，令家燕姐大感遺憾，她說：「但佢（指炳哥）叫我哋唔需要擔心，佢仲好堅強話『我冇事，我出返嚟，大家再傾偈。』當時佢冇話自己咩事，只係話做檢查，仲話遲啲繼續向我哋問安，所以嗰日好突然，好難過，佢囡囡話我聽，我都即刻喊咗出嚟。」
家燕姐指炳哥對演藝界貢獻甚大，並指不論是對方的笑聲還是其獨特的聲音，都會永遠留在大家心坎中，她又指對方的積極人生態度，同樣是鼓勵了大家做人處事，家燕姐說：「其實我哋都要堅強，去珍惜眼前所有嘅嘢。」
有份到靈堂鞠躬的黎耀祥說：「好多年前我同炳哥、琴姐去美國登台幾日，大家開始熟，同佢拍戲反而唔係特別多，好可惜，佢離開咗；佢畀我哋嘅感覺都係好親切，撞到佢喺公司配音，我哋會閒話家常幾句，佢係多才多藝嘅前輩，為香港觀眾做咗好多嘢，佢喺呢個圈嘅地位，真係德高望重，好多人都好尊敬佢。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|