2020年9月29日星期二

【孤獨「入五」】離婚後林曉峰首個生日康子妮冷漠零回應 #康子妮 #林曉峰

【孤獨「入五」】離婚後林曉峰首個生日康子妮冷漠零回應

林曉峰25對生日，離婚前妻康子妮零回應。

林曉峰（阿Lo）與康子妮本月驚爆離婚，結束18年婚姻，兩人協議共同撫養一對兒子林寶及林熙，之前兩個兒子生日，作為父母都有合體現身慶祝，齊齊做返好爸爸同好媽媽角色。

原來林曉峰和兩子，以及康子妮都係九月壽星，康子妮更加同阿Lo前後腳生日，康子妮係9月27日牛一，9月28日到阿Lo，認真有緣！適逢今年係阿Lo「入五」嘅日子，亦係離婚後首個回復單身嘅生日，感觸應該好大，還幸有工開，阿Lo暫時離開傷心地，寄情工作，趁機重新出發，唔使留喺屋企觸景傷情。

目前喺酒店接受14日隔離嘅阿Lo，昨晚喺社交網發圖文，壽星佬嘟嘴兼整鬥雞眼，走出香港的他就算留喺酒店，也能拋開煩惱，變得特別精靈，鬼咁風騷嘅阿Lo喺芝士餅及禮物籃前影相，留言：「隔離第四日，平靜的生日，多謝酒店送給我的驚喜。」唔少網民送上生日祝福，還輕帶一句加油！不過，發文過晒零晨，離婚前妻康子妮就相當冷漠，冇畀任何反應。而阿Lo生日前一日，康子妮超低調渡過44歲生辰，沒有post任何相文。