武漢肺炎疫情放緩，公開活動亦開始陸續復辦，楊卓娜、梁芷珮、黃穎君及伍文生今日為九龍灣一個兒童KOL比賽擔任頒獎嘉賓。疫情下，楊卓娜工作未受太大影響，主要是少了出席公開活動，但劇集工作尚算是劇接劇。
問楊卓娜工作繁忙，可有抽空探望姨甥女羅翊心（小珍珠）？她說：「有兩個月冇見，因為我拍劇接觸人多，佢（楊怡）想我隔離下，佢老公（羅仲謙）喺屋企都要全程戴口罩，如果我去佢度，事前喺屋企要沖涼，去到佢屋企門口要先360度消毒，再帶埋衫去佢度換，不過佢緊張都應該，我返屋企時，個女都會幫我消毒。」楊卓娜已經有一段時間未出席過公開活動，所以今日感覺好開心，不過見到有人無戴口罩，她表示會有擔心。
伍文生表示兩間食店在疫情下生意反而上升，因為本身以外賣生意為主，但收入卻沒有增加，事關外賣速遞需要付手續費。家中3名子女於2月時跟太太到了澳洲避疫，怎料一直也未能返港，最後夫婦兩人決定讓3名子女在澳洲讀書，他說：「佢哋有澳洲籍，原本都有計劃安排佢哋去澳洲讀書，不過諗住大女兩年後升中學先，而家提早咗兩年。」突而其來提早移民，伍文生表示以後自己港澳兩邊飛，始終他工作以司儀為主，在港會有更多工作機會，正如疫情下開拓了為中小企製作短片推廣業務，他會擔任主持角色引導公司老闆暢談想推介業務。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
