2020年9月9日星期三

輪廓分明由細靚到大港姐謝嘉怡遺傳媽咪嫲嫲優良基因 #港姐 #謝嘉怡

輪廓分明由細靚到大港姐謝嘉怡遺傳媽咪嫲嫲優良基因

謝嘉怡細細個五官相當精緻，天生一副明星相。

應屆雙料混血兒港姐謝嘉怡（Lisa）有個54歲凍齡型男爸爸Peter，日前兩父女同上肥媽的網上直播節目時，Peter自爆喺英國發展多年，在當地做廚師。

昨日Lisa在社交網上載了兩張與嫲嫲的合照，其中一張Lisa童年照，留有冬菇頭嘅Lisa襯一雙大眼睛，五官相當精緻。網民大讚她細細個，已經好可愛。她留言表示：「香港對我嚟講總係好似一個遙遠嘅家，因為有我嘅嫲嫲。每年我嚟探佢時，我哋都會去飲茶，佢會叫晒所有我鍾意嘅嘢，佢會講佢嘅經歷我聽，仲會展示我睇一啲，我從未見過嘅地方。佢一直好支持我，畀貼士我點樣去成為一個堅強、獨立嘅女人。我好幸運能得到佢多年嚟嘅指導。」

另外，今日凌晨，她再上載一張和媽咪合照及中童時同父母嘅一家三口家庭相，相中Lisa天生一副明星相，相當清秀可人，文中她祝媽咪生日快樂，寫道：「生日快樂，媽媽！感謝你多年嚟一直喺我身邊，支持我去冒險！好榮幸你能夠成為我嘅導師、我嘅榜樣、同埋我最好嘅朋友。今年你生日，我哋第一年分開度過，但我保證，我哋會好好咁同你補祝。」網民大讚母女二人似兩姊妹，一樣咁pretty；又話原來她似媽媽，同樣有靚靚基因。