41歲商台前DJ蘇耀宗（細So）昨日被本報爆背着妻子陳頴楠（阿Wing），2年半前開始偷食白滑KOL「阿B」，糾纏至今年6月才玩完。被公開偷食證據後，細So承認自己出軌，亦為偷食事件連講7次「對唔住」，又透露早在6月時，自己和太太都收到惡意留言攻擊。
翻查細So的IG，發現在6月時的確有網民在細So的IG中揚言會爆大鑊。該名網民先後留言說：「因為你哋越相信，佢越扮嘢，真相就會越早出現。」之後又在該留言中回覆：「你哋唔認唔緊要，好唔使你哋認㗎喇，唔止IG嘅人會知，全香港幫你哋宣傳呀，我失陪先，大家等吓啦。」之後，亦在tag了細So太太阿Wing的名字再留言表示：「點解你扮唔知蘇生偷食，但又周圍同人呻嘅？」又指細So「人前人後一個樣」：「要講嘅衰嘢都唔止咁少，我諗你哋兩個都心知肚明啦發生咩事，唔係扮冇嘢當冇事發過……成日喺度扮大哥，以為自己好有料，幾多舊公司嘅人討厭你你知唔知？」更有人留言叫阿Wing問吓細So「Stephy係邊個」。
昨晚在IG中承認感情上做錯及處理不當的細So，承諾努力維繫家庭做個好丈夫及好爸爸，他亦得到老婆阿Wing在IG表態，並謂會與老公一同經歷今次的偷食事件。細So雖然得到老婆原諒，但仍被網民在IG中留言狂鬧，又質疑他工作態度問題，而今日「連登」就有網民發現其本來有超過2,000個post的IG，現時只剩下1,817個，與阿Wing的「恩愛相」及兒子的照片大部份亦删走，只剩下自己平日開Live的影片以及生活照等。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|