究竟小三係邊個？
前DJ細So（蘇耀宗）被爆背妻偷食網紅，細So公開直認難辭其咎並道歉，但仍不得網友支持，老婆陳頴楠（Wing）亦同時出post表示會原諒老公，但網民卻對第三者「阿B」身份窮追不捨，結果發現27歲KOL車泳希係小三嫌疑人！
細So與現任老婆阿Wing結婚前，其前妻張詠妍亦同樣叫阿Wing，因此網民猜測細So對叫「Wing」嘅女仔情有獨鍾，在翻查細So社交網Follow List，就發現KOL車泳希不但符合名字帶有「Wing」，又符合「阿B」皮膚白滑嘅形容，更發現佢成日同細So一樣戴有戴有黑色手繩，並與細So有共同朋友，再加上其男友李萬璣亦是前DJ，因此網民認定佢就係「阿B」。
不過車泳希迅速回應，直指自己與男友感情好：「多謝咁多位網友和記者的關心，我同男友關係好好，你哋所講嘅人唔係我啊！」而且佢仲分別去到細So及陳頴楠嘅社交網畀Like，支持二人繼續走下去。
除咗車泳希「榜上有名」之外，唔少網友化身偵探，搵出KOL界當紅人物，同樣都係皮膚白滑，紛紛指佢哋都係嫌疑人，仲隨即被起底！
先有27歲嘅林呈風（Bie），佢幫過「熊仔頭」拍片打出名堂，早前又喺無綫劇集《解決師》做過學生，其社交網擁有五萬名粉絲。直至今日有大批網友喺佢社交網鬧爆，指佢係小三，隨即佢喺社交網否認：「我可以接受盲猜盲估，頂多是撞名而有合理懷疑，但盲信沒有事實根據而作出確切指控的話，咁……究竟是大眾判斷能力集體下降定社會習慣咗原告變被告、屈打成招的風氣？」之後佢喺社交平台限時動態再發文澄清表示：「希望各位衝出來的人，不要不負任地留個言罵完就走，他朝水落石出時，記緊來還我一個清白，可以嗎？」
同樣有幫過「熊仔頭」拍片、今年30歲嘅杜小喬，社交網擁有有37萬名粉絲，早前殺入娛圈拍過劇集同電影，近期仲推出埋新歌。感情方面，佢早年承認同無綫藝人譚永浩拍拖，感情穩定，嫌疑指數都唔太高。
最後一名就係年紀成謎嘅雪姨，社交網擁有近9萬名粉絲嘅佢，早前仲同前港姐陳凱琳搞美容產品生意，佢亦公開有一名叫「技安」嘅男朋友，不過從未見過真身，有唔少網友指雪姨嘅嫌疑指數係四位之中最低。
來源 source: http://hk.on.cc
|
鍾意就快D Share啦！
|
|
|