在大台配音組和幕前做演員、人稱「Gordon哥哥」的蕭徽勇，入行19年，一直在劇集擔演閒角的他，雖然參演劇集和動畫配音逾百部，惟令他聲名大噪，反而是前年由250磅肥仔，以蔬果汁斷食法搣甩70多磅肥肉變瘦仔，令人眼前一亮。蕭徽勇在大台十多年來一直雙線發展，曾想過以配音為終生職業，可以效法已故炳哥譚炳文做到80多歲，不失為一份好工，不過如今難以如願。
據知蕭徽勇今年11月將約滿無綫，好大機會離巢。蕭徽勇似乎已經作最壞打算，近日在facebook吐露玄機，貼出早前聲演的外購大陸劇劇照，寫上：「可能係我喺TVB配音組聲演嘅最後一個角色，你唔係唔睇吖嘛？」並標明劇名《錦繡南歌》及配音演員身份，重點是寫上「配音完」，說明將會離開配音組，這是他告別之作，網民擔心他被裁走，又一人才流失。蕭徽勇昨日接受傳媒查詢，他在電話中沒有否認離巢，僅表示：「很抱歉！暫時無可奉告。」
蕭徽勇被離巢早已有迹可尋，他曾透露配音組要跟隨公司刪減資源，有些配音員合約期滿後已不再續約，而配音是他主要收入來源之一，屈指一算減人工後變相削減六分之五收入，令蕭徽勇難以維持生計。他亦和一般由低做起二打六一樣，理解到在無綫做藝員，絕對需要有一份副業去維持追夢，並自嘆「只是不好彩我的副業是在無綫的配音組」。
2005年蕭徽勇加入兒童節目《放學ICU》，見證節目終結，兒童節目始祖譚玉瑛姐姐都被減騷轉做其他崗位，與蕭徽勇同期主持包括有蓋世寶、司徒瑞祈等，早已因公司制度問題，相繼離開大台外闖，蕭徽勇有配音業務墊底才可一直留守做演員至今。他參演劇集角色雖然多是一兩集閒角，憑實力近年都有一兩套劇有發揮，包括之前《十八年後的終極告白》飾演鬼仔強、《降魔的2.0》做的士司機「黃志龍」，至近日《過街英雄》都有份，只要講得出角色他都做過。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|