亞視舉辦《2020亞洲小姐競選》的香港區決賽將於明晚舉行，今日14位候選佳麗在大埔亞視總台進行綵排，並即場公佈兩個奬項，15號趙桐恩獲得友誼小姐，9號彭紫荊則得到炫出自我大奬，而奬項將於明晚頒發。大會還公佈蘇永康、鄧健泓和天堂鳥擔任表演嘉賓，李志剛、Kawaii和丘雅雯則任司儀。
穿上銀色星光旗袍的佳麗們逐一出場影相，其中1號練樂儀風騷轉圈，以今日狀態而言，4號張玥、8號高文君和9號彭紫荊甚為平均，由於明晚有泳衣環節，高文君表示每天都會做腹肌訓練，張玥則以半鹹淡廣東話說：「我有跳舞、catwalk訓練。」問到睇好哪位佳麗入三甲？張玥和高文君異口同聲表示大家都是自己心目中的冠軍，高文君說：「我覺得自己廣東話唔係好好，冠軍應該要廣東話好好，我雖然講得唔通順，但都可以都交流。」
至於獲佳麗們選出友誼小姐的15號趙桐恩表示：「完全冇諗過自己會攞，所以嗰刻係好驚嚇，呆咗先再開心。」會否擔心得到友詛小姐就與三甲無緣？趙桐恩笑說：「其實都驚，攞咗友誼小姐就同三甲無緣，呢個係定律，唯有接受囉，最重要係enjoy個騷。」
至於獲得炫出自我大奬的9號彭紫荊，得獎時表現激動，她說：「因為當初我好有信心入圍，但點知原來自己係邊緣人物，之後都知自己喺面對鏡頭、catwalk、儀態方面有好多不足，但公司安排呢兩個月嘅訓練，幫我改善咗好多，所以喺我心目中自己已經係冠軍。」她認為各佳麗都有美貌同才華，所以大家都好優秀，如果真的要選三甲心水，她會選自己和15號趙桐恩。
此外，亞姐總決賽原定於12月13日舉行，但亞視執行董事陳偉傑透露會有變動，他說：「因為visa問題，而家冇旅行visa，一定要做工作visa，大陸嘅佳麗過嚟申請visa嘅時間都要4至6個禮拜，因為啱啱先知visa係咁大問題，所以要延遲總決賽，係疫情關係，唔係其他原因。我諗差不多要明年1月幾先得，暫定香港舉行。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
