睇嚟佢都幾唔開心！
無綫劇《白色強人》開拍第二集，但主角兼視后李佳芯（Ali）就被飛出冇得演續集，不過唔只佢，仲有港姐冠軍馮盈盈及何廣沛呢一對都冇得留低！
《白色強人II》前日（29日）舉行記者會，仲嚟個大晒冷，3位視帝陳豪、馬國明、郭晉安及2位視后胡定欣、唐詩詠都有出席，點知另一邊廂，何廣沛就上載2019年拍攝《白色》嘅照片，留言：「今日很多人掛住德仔！😢」仲加埋個流淚Emoji，字裏行間都流露不快心情，網民都洗版留言：「點解《白色強人2》冇咗你同FYY（馮盈盈）嘅？」、「本身冇咗Ali但見仲有德仔就諗住睇啦，依家連德仔都…😭😭🤧…」、「德仔跟書婷一定是去了度蜜月😭」，個個都喊晒口咁仲話好嬲，連江嘉敏都問：「冇咩？」
雖然呢套劇冇咗何廣沛，但佢喺新劇《異搜店》及《食腦喪B》都擔任男主角，而佢都覆網民：「仲有信仔同喪B仔畀你揀！🙈」何廣沛接受訪問時表示：「我都唔清楚，其實係公司安排，可能係劇情需要。（可惜？）少少啦，話晒拍過《律政強人》、《白色強人》，都係做主角嘅徒弟仔。」
來源 source: http://hk.on.cc
|
鍾意就快D Share啦！
|
|
|
