擁有35E上圍的莊韻澄（前名莊端兒），今年7月改名尋桃花，她上周才剛宣佈跟小她五年的IT男呂成忠（Joe）譜出姊弟戀，怎料昨日兩人已入紙準備下月閃婚，女方亦因此被揭發入行前曾經離婚。喜訊曝光後即有人爆料指Joe失業兼破產，莊韻澄昨日出席活動時代為否認，兼堅稱沒有供養未婚夫。
現年39歲的莊韻澄上周六（24日）高調晒一卡鑽戒宣佈有拖拍，怎料《蘋果》昨日隨即發現原來她在本月20號已入紙申請註冊，將跟34歲、從事IT行業的圈外男友呂成忠結婚，換言之鑽戒可能是求婚戒，莊韻澄之前受訪坦言為求姻緣而改名，估不到一改即中兼且「閃婚」，但她在擬結婚通知書上婚姻狀況一欄填上「離婚」。而現年32歲「巨聲幫」出身的羅孝勇與31歲的模媽王丹妮昨日亦被發現入紙註冊，娛圈喜事一浪接一浪。
不過莊韻澄未婚夫身份曝光後即被起底，有讀者昨日向《蘋果》報料指Joe非IT男，而是破產無業男，適逢莊韻澄昨日於佐敦出席活動，問到Joe被指破產兼失業，莊韻澄即澄清說：「唔係，話佢好有錢又唔係，亦唔係大富大貴，但就未至於破產，佢照顧到我，我工作網絡上嘅嘢都係佢負責搞。」對於被指要供養未婚夫？她強調二人財政獨立：「真係冇，以前都係咁講，我邊養得起咁多人。」二人婚後將努力造人，希望明年有好消息。莊韻澄又指一直希望Joe擔任經理人，而過去大半年她出席活動時，他已不時陪伴兼任柴可夫管接管送，不過為保護戀情，莊韻澄只向外人介紹Joe是她的經理人，而昨日Joe因有其他工作故未有現身。
另外，《蘋果》昨日亦曾致電莊韻澄，她承認已定了下月12日結婚及明年才擺酒。提到跟Joe拍拖經過，莊韻澄表示：「我哋一年多前識，之後佢追求我，我同佢拍拖後，佢就求婚，咁啱佢又係幫我改名師傅個徒弟。原先我都冇諗過咁快結婚，但師傅話下月12日係好日子，咁我哋都有共識，師傅話與其明年結不如今年配合好日子，仲可以旺到我哋。」莊韻澄笑言當日師傅指改名會旺桃花，怎料改了名三個月即見效。莊韻澄亦透露媽咪很喜歡這位準女婿：「100分我畀佢90分，10分係進步空間。」準新郎比莊韻澄小5歲，但她大讚Joe十分成熟，有責任感及懂得照顧他人。今次閃婚是否奉子成婚？莊韻澄否認：「唔係，不過我哋都鍾意小朋友，想生兩個，未來老公鍾意女，佢話要前世情人。」
莊韻澄入紙結婚，顯示她的婚姻狀況是「離婚」，她表示有跟Joe交代自己的過去：「係呀，我嗰時27、28歲未入行，對方係圈外人，我嗰時買咗層樓，寫咗男朋友個名，因為釐印費太貴，分手時佢有畀返層樓我，佢都已再婚仲生埋小朋友。」莊韻澄經常作性感演出，她謂婚後會繼續幕前工作：「老公接受同明白我，不過婚後未必再咁性感。」
來源 source: http://hk.appledaily.com
|
鍾意就快D Share啦！
|
|
|
