《半澤直樹 2》絕對係剛過呢季嘅「最強日劇」，雖然今季跟上季經已相距7年之久，不過一眾演員及故事都毫無令觀眾失望。而《半澤直樹 2》亦喺剛過的星期是播出大結局，而最終回的平均收視率亦高至32.7%，成為暫時「令和時代第一收視日劇」。唔少Fans睇完大結局都意猶未盡，日前就有網友討論假若《半澤直樹》開拍第3季，到底會係咩題材？即刻睇睇！
撰文：海月丨圖片：TBS電視台
《半澤直樹》第3季玩乜好？網民：嚟香港拍救滙豐、國泰
由堺雅人主演嘅日劇《半澤直樹》，在第1、2季中銀行職員半澤多次挽救東京中央銀行出現嘅危機，不過事件中半澤所面對嘅「對頭人」亦由大和田曉、中野渡謙的銀行支行行長及常務董事，逐步升級變成政治家、國務大臣等，遇上的敵人可謂越來越強。不過經過第2季後，網民對之後有何對手能令半澤苦戰。
作為日劇最強的銀行家，不少香港網民都建議半澤直樹在辭職後，下集來香港加入滙豐銀行，絕對比東京中央銀行更有挑戰！因為受新冠肺炎疫情及多項因素影響，近來滙豐銀行的股價可謂重創，更曾跌穿28元「海嘯價」。所以唔少滙豐股民都期盼有一位神級銀行家，能夠帶領滙豐銀行走出困局，半澤自然成為現時觀眾第一個會想起的人。
另外，亦有網民提意《半澤直樹》第3季由半澤出走銀行界，轉戰香港航空界加入國泰。因為近來網上亦不斷傳言國泰將會裁員，雖然官方表示未有進一步行動，不過外界相當擔心一眾亦受新冠肺炎的航空公司，故希望半澤能夠出手。雖然粉絲都希望《半澤直樹》會推出第3季日劇，不過日本TBS電視就表示目前不考慮製作續集。因為劇集版的第1、2季經已將系列第1~4集小說的內容呈現觀眾眼前，而第5集的小說內容則是前傳故事。看來如果要有新一季日劇，就得變成原創故事了。
來源 source: http://www.nmplus.hk
|
鍾意就快D Share啦！
|
|
|