岑杏賢貫徹低調未提婚期 湯洛雯讚準新郎好好男仔
朱千雪、湯洛雯、蔣家旻與張嘉兒選在今日在社交網站分享為岑杏賢（Jennifer）慶祝32歲生日的相片，言詞間更恭喜她成為準新娘，間接公佈其婚訊。岑杏賢透過短訊回覆：「多謝你嘅祝福，冇諗過姊妹忙於工作，都花盡心機送上佢哋嘅心意，畀咗一個驚喜我，知道佢哋好錫我、好感激有佢哋喺我身邊。」岑杏賢在今年4月透露蜜運中，但低調處理感情事的她未透露太多。據知其未婚夫是加拿大籍金融才俊，問到求婚細節、婚禮安排等？她未多作回應，身為女主角的她亦未見更新社交網。岑杏賢補充謂：「求婚過程同細節一直冇同大家公開，因為未婚夫係圈外人，想尊重佢低調處理，希望大家唔好介意同明白。依家依然好開心同姊妹過咗一個好感動好難忘嘅晚上，多謝all your blessings 亦衷心多謝每一位所有嘅祝福。」
蔣家旻與湯洛雯等悉心準備派對，二人謂在獲得準新娘批準才公開好消息。蔣家旻笑說：「佢批准，趁佢生日開心日子宣佈，我哋畀一個驚喜佢，（婚前派對）事前佢唔知。（一早知道消息？）知道一段時間，不過Jennifer係低調嘅人，所以我哋等佢本人決定先公開。（見過男友？）我比較忙所以未見過，但知道佢男朋友好錫佢，佢搵到一個愛佢錫佢，可以付託終身嘅男人好替佢高興。」
靚湯亦替好姊妹開心，說：「本來是生日Party，Surprise係佢個bridal shower一齊搞。（見過佢未婚夫？）當然見過，第一次見面已經覺得係好好男仔，斯文有禮又高大，又有啲怕羞，總之相信佢會畀到幸福我個好姊妹。」
來源 source: http://hd.stheadline.com
|
鍾意就快D Share啦！
|
|
|