【羡慕黑仔夫婦】生日男友隔空送蛋糕 鄧麗欣讚王子有心望快見面
鄧麗欣（Stephy）、姜皓文（黑仔）、余香凝、張建聲、蔡瀚億及凌文龍等昨晚出席電影《殘影空間》世界首映禮。10月26日是黑仔的生日，而太太殷寧也是10月壽星，而且是兩人的結婚周年紀念。對於日前自彈自唱《分分鐘需要你》冧太太，他笑言原本夾埋工人姐姐為太太送上驚喜，豈料跟太太傾計時，工人姐姐已推出蛋糕「搞禍」。他說：「我覺得每年生日或記念日都要做一樣野，大家先會記得呢個日子。」
在旁的Stephy羡慕黑仔夫婦結婚多年仍保持很甜蜜，更認為女人會較為細心，男人則比較難，自己較為著重生日及周年紀念日，因為屬於自己同大家。10日15日生日的她，早前獲男友王子（邱勝翊）隔空送上蛋糕，談到王子可有做到足，她說：「都ok！在疫情之下，今年佢都送了蛋糕畀我，都好有心。（掛住男友要約見面？）我慣咗我跟佢有8個月冇見面，希望疫情方面越來越好，都安排緊時間見面。套戲於1月在香港上映，睇下佢可唔可以趁這段時間順便睇下。」
來源 source: http://hd.stheadline.com
|
鍾意就快D Share啦！
|
|
|