在疫情下，近半年「歌神」陳奕迅幾乎進入停工狀態。雖然收入大減，但轉個角度睇，就換來多啲親子時間，難得有機會跟屋企人家庭樂。日前，《壹仔》見到Eason 一身街坊look ， 走入琴室，幫阿女報興趣班。貴爲「歌神」的老竇，事事親力親為，真係唔話得喇！
全副身家畀老婆
一向公認是「寵妻號」的Eason ，多年來為讓老婆和阿女有高質生活，努力賺錢，有指試過最高紀錄一次世界巡唱，唱足71場；雖然有過億落袋，不過唱到喉嚨生繭，真係賺得有血有汗！13年 ， Eason 一炮過用2 .3億，買入壽臣山村道一棟3200呎獨立屋，並且以老婆名字持有。另外，他其餘超過6億的物業，都加老婆名。老婆開時裝店，Eason 二話不說打本7位數，講明並非為賺錢，而係畀老婆消磨時間。講到錫老婆，Eason絕不手軟! 相反，自己就好慳家喇！踢拖幫阿女報興趣班
日前，《壹仔》見到Eason 去琴室幫阿女報興趣班，一身街坊look， 粉紅色頭巾加T恤花短褲，踢人字拖，以及孭住環保布袋。以前都揸靚車的他，12年試過用370萬，買入當時的Aston Martin辣跑，不過，近日Eason變得好低調，只揸價值15萬的Kcar代步。- 日前Eason到琴行，幫阿女報興趣班。
- Eason 一身街坊look，T shirt、花花短褲，踢人字拖，再襯條粉紅色頭巾。
揸阿徐二手車
翻查資料，上年阿徐揸住這部K car載包包出入兼巡舖，當時車身是搶眼粉紅色。Eason接手後，將車身由粉紅噴黑。如此同時，Eason又買了另一部新車送老婆，阿徐最近經常揸住的是價值20萬的Jimny新車，上年到港的Jimny，首批一度掀起全球搶購，好啱阿徐「潮人」身份。揸新車或舊車，對向來喜歡活得悠然自得的Eason以言並不重要，看這天辦完報名手續後，他便跟女性朋友在街邊吹水，兩人雞啄唔斷，「吹」足半粒鐘才走人。
- 當日Eason揸住一架價值15萬的K car 代步。
- 去年阿徐已經揸住同一架K car ，載住包包去巡舖。
- 當時車身仲係勁搶眼的粉紅色。
- 阿徐最近揸住一架價值20萬的Jimny 代步，這款車首批更掀起全球搶購。
- 當日Eason同一名女性朋友在街邊吹水，吹足半粒鐘。
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|