- 【爆渣男Steven偷食分手無悔意】莊韻澄要委屈講大話幫他脫罪:佢話分咗手我咪唔算偷食囉！
- 8小時前
莊韻澄Xenia (前名: 莊端兒)，為Viu主持的新節目《吃掉你前度》，昨晚(5/10)首播，打頭陣分享被渣男前度傷容的，正正就是Xenia。雖然剖白與前度分手心聲時並沒開名，但講到對方是唯一圈中男友已呼之欲出，就是偷食慣犯Steven(張致恆)。
提到這位前度，她這樣形容:「從未試過有男朋友係有咁多外遇！」不過對方不停偷食，都不及16年分手時，Steven的渣男自私反應來得傷透。節目中首度披露當日分手細節。「初頭發現佢有外遇時，佢當然都會用好多招式求你(原諒)，自己都想原諒佢，同佢再一次溝通後，的而且確佢有改。」Xenia說。
- 講到被前度背叛傷心，仲要委屈幫佢講大話，莊韻澄(前名:莊端兒)由強顏歡笑到哽咽落淚。
- 其他主持聽到莊韻澄剖白被渣男傷害經過，都替她難過。
- 有米有樣有身材的莊韻澄，由前夫到前度，都是渣男。不過她說在Steven身上上了寶貴一課，終於清醒，不再做渣男磁石。
- 拍拖三年，她說一起第九個月，對方已忍不住背叛。
偷食後要度女友幫他補鑊
但之後人如其歌「死性不改」！Xenia說16年Steven再次被傳媒揭發偷食，他第一時間不是向女友道歉，而是顧住挽救形象，要求Xenia講大話，她續說:「到報紙都有報導，發生都幾大件事，記者打嚟問回應我先知！跟住我打畀對方(Steven):『嗱！呢個係最後一個我可以幫你嘅嘢，你想我點講？』 。」眾女一再嘩然，追問為何仍要為對方著想。Xenia解釋:「冇嘅，因為我覺得始終一齊過，鍾意過，就好來好去，佢同我講: 『咁你答我哋分咗手分咗手咪唔算偷食囉！』，於是我向傳媒聲稱「已分手」，之後佢再whatsapp我話:『咁我依家唔算偷食啦』，語氣係好開心咁，我睇到佢呢個留言好嬲，嗰下真係好嬲！」回億這一幕，一直強顏歡笑的她忍不住哽咽落淚，連當中的孖女主持也聽到眼濕濕，感受到曾經「為仔生，為仔亡」的Xenia委屈。為渣男男友講大話脫罪。不過好快被其他傳媒踢爆Steven是背女友偷食，Xenia亦最終承認是爆出偷食後才斬攬。
- Viu新節目《吃掉你前度》，五位主持亦各自剖白被渣男情傷，其中Regen(左一)曾因情傷暴瘦。
- Steven去到最後毫無悔意的說話，對她而言如刀直插入心。
- 原來Steven曾被女友莊韻澄揭發的偷食小三，至少八個。
偷食名單有大台同劇女藝人
節目出街後本刊再追問Xenia，同Steven拍拖三年，總共揭發多少個小三，她說:「偷食次數真係數唔到，起碼雙位數，但從佢手機發現嘅偷食對象，無十個都有八個。」二人拍拖約九個月後，Steven就忍不住背叛。「因為佢成日check我手機，有一晚畀我發現佢又check，見到佢咁我唔忿氣，要求check返佢手機，佢唔肯仲話要走，佢咁樣反應，更加肯定佢身有屎，咁迫佢要畀我睇，擾攘一輪最後都要畀我睇，佢唔畀密碼我都識開鎖，無論佢刪除咗嗰啲留言我都睇得番晒，咁當然一睇就好傷心，發現有唔同女性。」除有fans，曾在大台拍劇的他，大台簡直是「放題」之地。
「其中有同劇女藝人，睇落好似好純真係估唔到，佢當刻當然有挽救，唔想分手，最後我都原諒咗佢，但條件係守行為期間，佢要畀電話我睇。」至於偷食的女藝人是誰，Xenia堅決不透露。不過偷食招數層出不窮，周而復始之下，最終分手收場。
- 莊韻澄曾在Steven手機留言發現他偷食證據，包括拍大台劇時，跟同劇女藝人搭上。
傷過仍為他平反
雖然她在Viu節目爆出遭渣男傷透細節，但Xenia亦為這位前度平反，尤其他曾被指食軟飯。「對佢公平啲，有啲位都要幫佢平反。拍拖初期佢係有問我借錢，但佢真係有還晒，同埋出糧啲糧單交由我keep，出糧嘅錢入落我戶口，跟住再經我畀番佢所需嘅生活使費，所以之後我哋同居嘅生活費，佢有份承擔，佢亦冇欠我錢，呢個係事實！」- 被渣男傷過，莊韻澄一度患上抑鬱。
感激上了一課 拒當渣男磁石
花了幾年療情傷，仍感激對方的出現，令她上了一課，不再做渣男磁石。「其實呢段日子裡面，我哋都有開心過，除咗大家所知佢嘅問題，喺佢身上我學正咗，如果唔係佢，我唔知遇上幾多個渣男先識醒，所以無後悔有過呢段關係。你睇我做生意，理財好叻，但愛情方面我係一個白痴。曾經同佢一齊有快樂嘅日子，亦學識睇人，起碼識得避開渣男，唔再係渣男磁石先啦，識拒絕，因為渣男來來去去都係用嗰啲橋啫！」比孤獨更孤獨，是與錯的人一起。- 幸而失戀時，有母親飛來香港陪伴，令曾萌自殺念頭的她被點醒，不致攘成慘劇。
渣男變暖爸
至於Steven，去年跟fans雯雯奉子成婚，且兩年抱兩，成為兩子之父後，努力在網上分享湊仔經，由渣男變暖爸洗底。去年底老婆雯雯曾在IG動態感觸發文吐苦水：「有啲嘢如果失望咗，就冇可能再彌補到，亦冇可能再返轉頭。」令好多網民解讀為二人情變。翌日老婆即出一張Steven啜爆相補飛，曲線澄清。近日節目相關的報導出街後，唔少人把有關新聞轉發給她，雯雯就此在IG出post，叫大家不用提醒她老公係一個咩人，又說只想努力去面對我以後的路。- 婚後的Steven兩年抱兩，常在網上分享湊仔經，努力洗底。
- 老婆雯雯去年底曾在IG動態感觸發文吐苦水：「有啲嘢如果失望咗，就冇可能再彌補到，亦冇可能再返轉頭。」網民解讀為二人情變，翌日她即出一張Steven啜爆相補飛。
請即預購《噴火30年壹驚艷 性感女星典藏集》特刊，當年鏡頭下的李嘉欣、黎姿、朱茵、舒淇、邱淑貞等三十位經典港姐、性感女星，一一復刻，艷壓全港。
自取優惠價 港幣$83【按此搶購】
包運費價 港幣$110【按此搶購】
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|