黃日華（華哥）和苗僑偉（三哥）早前接受無綫清談節目《諸朋好友》訪問，這對相識超過40年的好兄弟，性格完全不同，華哥是宅男，用情專一錫老婆；而三哥就喜歡玩，見到靚女會心動，但理智上懂得克制。
華哥自言因為自己「又蠢又笨」，找到鍾意的人便不會放手，三哥爆華哥當初識到女友梁潔華時，會重色輕友不見人。華哥就回想當年拍拖，開工等埋位會經常煲電話粥，又會摺紙花和摺動物冧梁潔華。對於梁潔華在今年5月不敵癌魔病逝，華哥直言是一生中最難忘情景，忍不住流下男兒淚：「目前最難忘暫時係親眼睇住太太走一刻，人生係經歷生老病死，係要接受，但緣分完結，冇可能追返，但感情係長存，呢幾個月多得有三哥陪度難關。」
三哥透露華哥愛做手工，喪妻後女兒黃芷晴擔心華哥患抑鬱，故帶他去學整蠟燭；而華哥直言女兒是上天送給他最好的禮物，他深情地說：「有個女照顧吓、掛心吓，做嘢都係為咗個女，賺錢照顧佢，希望佢乖啲、健康同孝順。」三哥較開明，子女都在外國生活，被問會否介意囡囡經常在社交網放性感照，他笑言：「記者問我嬲唔嬲？做咩嬲，你未見過咩，現在唔着，60歲着呀！唔驚個女畀人呃，佢唔呃人都偷笑。」
而在上一集的節目中，亦有提到張兆輝和郭富城曾開名答謝華哥，他淡然地說：「十幾年前張兆輝事業有啲阻滯，我咪叫佢跟我返大陸登台囉，喺我嘅酬勞撥啲畀佢。至於郭富城，因為當年同佢拍劇，佢住喺筲箕灣，日接夜開工冇得瞓，我叫佢嚟我屋企住咗個幾月。」華哥為人仗義，到太太辭世時，華哥亦感激三哥一直陪伴，他眼紅紅說：「佢問候我，又陪我食早餐，更幫我太太喪禮打點一切。」場面感人。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
