2020年11月24日星期二

敖嘉年拍新劇想同蔣家旻加親熱戲陳國坤陪囝囝學琴由零開始 #敖嘉年 #蔣家旻 #陳國坤

敖嘉年拍新劇想同蔣家旻加親熱戲陳國坤陪囝囝學琴由零開始

陳國坤、敖嘉年昨晚出席電影《拳道》首映禮。小龍返港忙湊仔，敖嘉年拍緊無綫新劇《欺詐劇團》。

陳國坤（小龍）、敖嘉年、郭奕芯等昨晚出席電影《拳道》首映禮，小龍笑謂最近「失業」，他剛從內地工作完回港，近日才完成隔離檢疫，「我已經4個幾月冇返屋企，因為下個月先要有工作，所以趁有空檔就返嚟。」問到囝囝陳真見唔到他幾個月可會不認得他？他即否定說，「唔會，化咗灰都認得，佢見到我好開心，因為媽咪（黃伊汶）管得佢好嚴，但我會畀朱古力佢食，又會陪佢玩，比如打雙節棍、踢沙包和練拳，不過媽咪鍾意佢學彈琴，為咗培養佢興趣，我由零開始陪佢一齊學。」

敖嘉年則透露，與鄭丹瑞（旦哥）、蔣家旻正拍攝無線新劇《欺詐劇團》，劇中與蔣家旻有感情線，笑指會叫監製寫多點感情戲去益他。