鍾舒漫與陳潔玲爆金錢糾紛。
歌手鍾舒漫（Sherman）今年8月自爆與行內人合作做生意發生金錢糾紛，牽涉金額5位數。其緋聞男友林灝軒（Steve）日前在社交網轉貼前港姐陳潔玲（Christy）開新店的相片，指控對方！形成在社交網互罵，陳潔玲更指鍾舒漫妹妹鍾舒祺用粗口鬧她，七國咁亂。
有消息指，陳潔玲約半年前在網上售賣防疫產品，Steve與Sherman等朋友夾錢投資，最後不歡而散。惟Sherman後來要求退款約4萬元本金不果，終入稟小額錢債審裁處，案件12月底會處埋。
東網向Sherman求證事件：「其實我暫時完全沒興趣回應關於陳小姐的事情內容，她有她自己的世界，隨她喜歡，知道她的事情不只我1個，我完全沒有壓力，做好自己就可以。我們還是多關心其他有意義的事吧。」問到是否曾與林灝軒拍拖？Sherman繼續避談：「我相信我的感情狀況觀眾沒興趣知道哈哈，將來有機會嫁人的時候再覆你，所以都多謝關心。」
而陳潔玲則回應：「做生意少不免有呢啲糾紛，只係大家係藝人，最後唔好彩公開咗變成新聞。（有冇聯絡鍾舒漫？）佢入稟告我，所以冇聯絡，但法庭嘅嘢有書面溝通，到時我上到庭都會講番件事，佢仲搵咗佢妹妹（鍾舒褀）出頭，佢個妹用埋粗口鬧我。至於Steve講嘅嘢，我都交咗畀律師處理。」
另外，Steve對於陳潔玲的指摘，在社交網發文否認指控，重申已由3月忍受事件至今。有傳鍾舒褀對胞姐男友Steve頗有意見，一段她與友人對話流出，對話中講起Steve時她激動得爆粗，且不滿Steve遷入家姐元朗家，要鍾母為他洗底底等。對此Sukie回覆東網說直認對話為其本人，但否認用粗口鬧人：「其實呢件事發生咗好耐，因為之前同Steve唔好唔熟，我對Sherman歷屆前度我係好緊張，我有我情緒同睇法，呢啲係我同陳潔玲男友對話，嗰時我哋係好朋友，會分享，但唔知佢總有一日出賣你。其實我都勸佢哋兜口兜面解決，唔好私下講壞話，勸佢哋好多次，解決事情要正面做，做小動作唔得，但佢哋一直拖。到依家我同Steve好好，同佢熟落咗，拆穿咗陳潔玲同佢男友對我講關於Steve嘅都係大話，連Steve啲兄弟都出嚟幫手解圍，我就明白原來我所謂朋友，唔係朋友嚟囉！」鍾舒褀稱已知道事實真相，認為事件不會傷害到家姐、Steve和她們一家人。她亦在社交網發文，指將別人私人語音公開，做法太小家，並再強調：「我同Steve一早修補好關係」
----------------------------------------
「繽FUN星網」誠招各類有趣短片！
家有可愛貓狗，想同更多嘅人分享？
有橋有料，素人想一片成名？
立即寄片嚟： bunfun@on.cc
來源 source: http://hk.on.cc
|
鍾意就快D Share啦！
|
|
|