現年45歲的韓君婷人生經歷好多高低起跌，1997年「執二攤」成為亞姐冠軍，深愛的男友患肝癌離世，令她患上厭食症與抑鬱症，一度暴肥至40吋「巨躉」，又試過瘦到變火柴人。2014年，韓君婷在家鄉新加坡家中浴室意外跣親撞崩鼻骨，被外界嘲笑整容失敗，年前媽媽又因癌病離世，令韓君婷心情再陷入谷底。
慶幸韓君婷有一班好朋友愛錫，年前與相熟多年的蔡國威展開「同居關係」，漸漸走出陰霾。日前韓君婷相約蔡國威、王賢誌和即將結婚的九巴後人雷怡暉等出海，並在社交網分享相片，穿上紅噹噹泳衣的韓君婷已回復狀態，展現fit爆身材，並被一班大隻「肌男」圍住影合照，樂在其中。
《蘋果》今日聯絡上韓君婷，她笑言雖然45歲生日已過，但一班人仍希望開心慶祝一番。一直有指蔡國威是韓君婷男朋友，而她亦表示受對方影響，所以積極做運動，現在人也變得健康，對於自己撞崩鼻破相一事，亦不再介懷，揚言不會再花錢復修鼻子，她說：「好幸運，身邊好多人接受我，佢哋都覺得冇需要，人係會老，但最重要自己開心。我都接受咗我咁樣，其實冇乜問題，自己開心咪得囉！破相啫，冇乜大不了，希望大家留意我嘅內在美，其實正因呢個崩鼻，更鼓勵我去重整事業同人生。」另外，韓君婷曾經想重返幕前，但遇上阻滯，之後轉行做醫學美容中心的OL，可惜疫情重創經濟，她現在亦只能轉做part time，並嘗試展開新事業：「搞咗個網頁，想做進化版KOL，我會提升攝影技巧，影多啲相、搵多啲精品推介畀大家。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|