大台小花江嘉敏（Kaman）今日26歲生日，熱愛在社交平台分享心情的她，今日凌晨穿上火辣紅衫，笑容滿面透露今年的生日願望：「我生日喇！生日願望簡簡單單，疫情快啲同我消失，全部人都有嘢做，食得飽，人類乖乖愛護地球。少用啲膠袋，膠飲管，即棄餐具……地球冇咁快滅亡，我可以聽多幾年生日快樂吖！」
江嘉敏除了講要「踼走疫情」及「支持環保」等普世價值願望，原來笑容背後，暗藏「綿裏針」。「最後梗係想自己食極唔肥，同埋希望自己成熟啲，識帶眼識人。」「帶眼識人」這句似乎是弦外之音，看來壽星女內外一樣咁「惹火」。
還記得數月前，江嘉敏和好姊妹馮盈盈齊齊上富豪船P，當時被指黐猷亨的馮盈盈，搵江嘉敏做擋箭牌，江嘉敏之後借玩Wakesurf稱「係咁俾人拖落水陰功」，又強調自己沒做媒人，更爆出馮盈盈與猷亨早已認識，反指是馮盈盈請她去船P，二人各執一詞，令事件爆出羅生門。
之後江嘉敏又借狼人殺比喻生活就如遊戲一樣。「根本唔知邊個講緊真話邊個講緊大話，亦都唔知邊個係狼人邊個先係村民」，指自己因為聽到一些不應該聽到的說話，忽然有感而發，當時她說：「其實世界好細，說話唔能夠亂講尤其係大話，人言可畏，真係知人口面不知心。」句句有骨，昔日好姊妹亦擘面收場。如今江嘉敏借生日指自己要「帶眼識人」，看來壽星女至今仍未放下心結。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|