情歌天后撻着霸道總裁！（圖：時報周刊CTWANT）
馬來西亞歌手梁靜茹去年與富商趙元同結束9年婚姻，兩人育有一子。日前佢曾透露有約會對象，點知最近就被影到當街激吻一長髮男子！雖然第6度失落金曲歌后，但歌壇失意情場得意，新戀情曝光！
原來該神秘男係國際知名藝術品牌總裁林達光，年約56歲，比梁靜茹大14年！兩人當日去到基隆約會，林達光揸住名車先到一餐廳等候梁靜茹，女方工作後到場，男方就拎出先前買落嘅白酒，兩人邊傾邊食，女方更餵對方食嘢，又頻頻點頭似乎相當滿意。食飽後梁靜茹獨自去到一購物中心，男方隨後再接應女友，再去到由自己經營嘅餐廳，餐廳更迅速落閘。據知，餐廳1至3樓係營業場所，4、5樓係私人招待空間，兩人喺入面過夜冇再現身！
到翌日8點幾，兩人終於蒲頭一齊返台北，梁靜茹換上新衫再出發，林達光揸車沿住濱海公路兜風，數度停低睇風景，男方又從後擁抱女友，心口貼背脊，之後兩人又情不自禁咀嘴，非常甜蜜幸福！而其實，梁靜茹早已帶男友畀好友過目，某日佢與閨密睇展覽後，林達光就後Join一齊食飯，睇嚟已成功融入朋友圈。
來源 source: http://hk.on.cc
|
鍾意就快D Share啦！
|
|
|