由人妻變人母，壓力豈止加倍，十月懷胎其實很辛苦，新手媽媽更要學習湊B，所以母愛很偉大。已有兩女的𡃁模郭玥彤（前名郭穎兒，Celia K.）近日宣佈再有第三胎，已有４個多月身孕，其實她婚後大部份時間相夫教女，也有轉型做KOL，在自己FB做網上節目《彤你吹水》，向來性格直率的Celia無所不談，最近一集自爆陀三胎都有產前抑鬱。
Celia表示做媽咪其實是一份24小時沒休息的工作，全日忙不停，她先由陀B講起：「首先我想講，大肚又會孕吐狂嘔，食唔落嘢，但又肚餓，到BB開始喺肚中長大，又會擔心佢健唔健全，有冇心跳，姨媽姑姐又會問佢性別，我陀3個都有少少產前抑鬱，未至於要死，面對身體變化，個肚會爆紋，個肚大到裂開咁。生完湊BB，最初冇經驗又好驚，又要𥄫住幫你手嘅人。到餵人奶個胸又『dum』，乳頭又長咗，所以我冇乜餵人奶，冇奶又係錯。」Celia大吐苦水，她越講越快如同急口令，她解說：「原諒我太激動，所以啲表情態度都較瘋狂，但係真係心聲！」幸好Celia的老公都非常體貼，不時出浪漫招數冧老婆，調和她的火爆。
臨盆在即的倪晨曦卻開心待產，她不時在社交網分享開心孕記，上周六萬聖節，她更在巨肚上畫上南瓜圖案跳舞，跟老公齊齊扮鬼扮馬慶祝哈囉喂，幸福準媽咪倪晨曦還搞笑留言：「一直以為到萬聖節的時候是在坐月了，甚麼都沒準備，結果等到今天，寶寶還安然無恙的在肚子裏，粑粑麻麻（爸爸媽媽）以最少的成本和時間來和你慶祝一下。」
兩子之母的宋熙年今日也在IG貼出全家福相片，9月出世的幼子Jamie轉眼已兩個多月，眼仔睩睩望着鏡頭，十分可愛。宋熙年疫情下陀B和生產，全程保持心情開朗。問到宋熙年湊B如何減壓，她今日回覆《蘋果》時說：「平時湊兩個小朋友打仗咁，今年疫情特別大壓力，更加頂硬上，減壓係等夜晚有少少時間，我會online shopping同老公睇吓電視。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|