2020年12月11日星期五

【個廳好整齊】放假打機過日辰蒙嘉慧稱呼鄭伊健「條友仔」同「阿腥」 #蒙嘉慧 #鄭伊健

【個廳好整齊】放假打機過日辰蒙嘉慧稱呼鄭伊健「條友仔」同「阿腥」

鄭太叫老公做「條友仔」好搞笑。

TVB前金牌監製錢國偉日前出殯，同佢相識數十年嘅鄭伊健擔任治喪委員會兼扶靈，無論設靈及出殯日均一早到場打點，好有心。送完老友一程，生活仍然要過。

伊健不久前完成咗同任賢齊合作嘅電影《大Project》，家陣未有工開。第四波疫情咁嚴峻，唔適宜周圍去，好彩伊健一向多嗜好，特別鍾意打機，有機有Game，悶?唔會啦。

今日蒙嘉慧就同鄭伊健一齊喺屋企打《蕯爾達無雙》，點解會知?因為鄭太出咗Post，睇吓佢點講，「打緊《蕯爾達無雙》，正準備出售冇用武器之際，突然部機不受控制賣出心愛武器⋯⋯

條友仔大叫：「有冇攪錯，個手掣壞咗...冇陰功未save㗎」

我：「阿腥，你控制緊我部機，你冷靜d。企埋牆，俾我用原力打你一身，我會平衡番d」。

雖然唔係現場，但睇文字都相當有畫面，另外順便一提，鄭阿腥屋企個廳好整齊，冇多餘嘢，仲放咗植物，木條牆感覺非常Warm。