2020年12月11日星期五

【頭條獨家】實體專輯《REVISIT》本地全年最高一代巨星張國榮成疫市奇葩 #張國榮

實體專輯《REVISIT》本地全年最高一代巨星張國榮成疫市奇葩

環球唱片為張國榮推出的專輯《REVISIT》，成為本地全年銷量最高唱片，哥迷撲住去買。

張國榮（哥哥）雖然離開了17年，但不朽經典金曲仍受樂迷追捧。環球唱片斥重金製作嘅張國榮(哥哥)全新專輯《REVISIT》於兩個月前推出，成為疫市奇葩，據知，唱片推出短短一星期，實體唱片銷量已達金唱片(10000張)成績，並且橫掃各大銷售榜冠軍，截止今日，成為2020年最高銷量本地實體專輯，更一度重燃歌迷去唱片店撲CD熱潮！採訪：方騫平

喺張國榮64歲冥壽前，日本攝影大師清永安雄於社交平台分享22年前，在澳門一酒店內為哥哥拍攝寫真集時未公開過嘅靚相，相中哥哥笑容燦爛。

哥哥於1999年至2003年簽約環球唱片，總共推出6張大碟。新碟《REVISIT》由監製梁榮駿(Alvin Leong)、編曲人C.Y.Kong和唐奕聰(Gary Tong)聯手製作，挑選了14首哥哥的作品，花盡心思去重新編曲，包括《寂寞有害 ANCIENT BOUTIQUE》及《路過蜻蜓 PIANO IN THE ATTIC》等，其中《春夏秋冬A BALLOON’S JOURNEY》更取了哥哥從未曝光的聲帶，相當珍貴。「哥迷」大讚唱片製作有誠意，出碟當天更掀起搶購潮。而環球唱片會乘勝追擊，稍後再推出《REVISIT》CD加Blu-ray。

歌迷珍藏哥哥嘅靚相，喺《路過蜻蜓 PIANO IN THE ATTIC》MV出現。

憶往事讚哥哥唔怕蝕底

提起今次新編歌曲，三位重量級音樂人不禁憶起與哥哥當年合作的往事，Gary回想起製作《大熱》時與哥哥的點滴說：「當年收到Alvin通知，話哥哥希望作首興奮澎湃嘅歌曲，接著就要到錄音室同哥哥一齊創作。當時哥哥邊哼住歌，我邊彈著琴，歌曲結構慢慢開始成形，我就開始編曲。同以往先編曲，後錄音好唔同，好處係令到成個編曲過程更加順利，更加有新鮮感。而哥哥係個唔怕蝕底，對身邊每一個人都好好嘅巨星。」