武漢肺炎襲擊全球，英國政府宣佈倫敦疫情警報，從20日起升至封城等級的第4級，包括倫敦在內等一些周邊地區全面封城，如非必要禁止進出。DJ森美和才女梁芷珊都有仔女在英國讀書，不知如何安排呢？
森美的長子梁曦樂去年在英國會考GCSE中考獲11科A*佳績，入讀寄宿學校協和學院（Concord College），對於英國宣佈封城，森美接受《蘋果》電話訪問說：「返咗香港啦，聖誕節前返嚟，隔離咗兩個星期，已經出咗隔離酒店，喺香港再留多兩個禮拜。唯一擔心係睇佢返唔返到去，不過而家都未返，過多一個禮拜先考慮，而家密切留意情況，因為新聞啱啱出，要考量吓，雖然話傳播力廣，但希望冇咁嚴重，等過多一個禮拜，睇情況再決定。」
而芷珊的女兒羅樂桐（Eily）前年在英國IGCSE獲11A佳績，同樣留在當地讀書，芷珊在電話說女兒已返港：「其實佢係放聖誕假，Tier 2 封城時學生都返晒屋企，佢哋留喺宿舍都冇意思，所有堂都可以online，所以佢早咗返嚟，已經返咗嚟隔離完晒好耐，返唔返去睇情況，因為佢嘅課堂係繼續online上，如果情況嚴重，學校lockdown就遲啲返去嘞。」
黃秋生囝囝William在英國生活，秋生今日接受《蘋果》訪問，講到英國倫敦因疫情嚴峻封城，他以短訊回覆透露William並不是住在倫敦，是離開頗遠的鄉郊地方，人口並不稠密，所以不太擔心。
邵仲衡的母親、弟弟及兒子都在英國，他今日回覆《蘋果》時說：「今朝打咗畀媽咪，佢住西南部，情況冇咁嚴重，佢哋嗰度第一級，又去番疫情嚴峻時咁，限制出街買嘢。有時訂咗嘢就放門口，樣樣打回原型，新病毒變種，比舊嘅傳播多70%，都提家人要小心。」
曾在英國讀書的麥明詩，原本都有幾位朋友在英國工作，她說：「好彩嗰幾位朋友10月都返嚟咗香港，準備同屋企人過聖誕，現在可以遲啲先返過。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|