聖誕拒約黃宗澤 陳嘉桓：同唔熟嘅人咪交流太多
陳嘉桓（Rose）為口罩公司進行直播活動，期間發現不少新防疫產品，Rose笑言將大手入貨做聖誕禮物：「送防疫用品咪幾好囉，起碼又靚又實用，唔會交換完就擺埋一邊，今年聖誕節會同家人一齊過。（會唔會約黃宗澤？）依家第四波疫情唔敢周圍走，其他人少見為妙，同啲唔係咁熟嘅人都係咪交流太多喇！（送禮物畀佢？）哎呀，我揀聖誕禮物都係畀家人同親密啲嘅朋友先嘅！（將佢降級到普通朋友？）疫情下大家各有各忙，聖誕節咪陪屋企人囉。」
因疫情關係，Rose的皮紋分析課堂亦受影響。她說：「依家要改做Zoom上堂，如果要見小班教學、見客就要做足啲防疫措施，咁大家都安心。呢排做Live嘅時間多咗，發現自己口才都有進步！初出道大家當我係『小師妹』，企埋一邊唔多講嘢，依家講足半個鐘都可以冇停口，希望大家都感受到我嘅努力。」
來源 source: http://hd.stheadline.com
|
鍾意就快D Share啦！
|
|
|