李佳芯（Ali）、何廣沛、陳瀅、譚凱琪（Zoe）及楊詩敏（蝦頭），日前接受伍詠薇（伍姑娘）及林盛斌（Bob）主持的《Tiger’s Talk》訪問，暢談愛情中的第三者，伍姑娘率先爆黃宗澤（Bosco）曾經跟蝦頭交往甚密，蝦頭笑說：「大家都係同事朋友一齊玩，我知Bosco好鍾意我呢種類型，成日有意無意提起我，佢鍾意食蝦頭，識食一定係食蝦頭。」
陳瀅隨即致電Bosco，阿Bob順勢追問Bosco是否對蝦頭有意，Bosco笑言：「我直情係迷戀佢10年佢起勢用電眼電我，最慘係電我嗰時永世唔着低胸。蝦頭出晒名身材好嘛，我成日喺TV廠外見到佢，次次都着得好密實，真係谷鬼氣。如果蝦頭可以着三點式喺我客廳，真係會忍唔住。蝦頭，I LOVE YOU.」
提到第三者話題，Ali直言經常被安排演第三者角色，自己沒經歷過這些事，反而試過舊愛一腳踏兩腳：「我對感情好無安全感，細個同個男仔拍拖，一齊冇耐佢就去外國讀書，一走就走4、5年，我冇同其他人拍拖，佢亦聲稱自己冇拍拖，返嚟之後我哋一齊番，不過憑女仔直覺，我就有啲懷疑。」Ali之後揭發對方有女友即提出分手，她說：「細個唔識，以前係有少少大話都唔得要分開，覺得個愛情已經有污點，反而而家年紀唔同，心態唔同，會諗佢係咪真係有咩原因，或者自己係咪冇時間陪佢。」
Zoe表示曾經在不知情下做了第三者，當時男友騙她已跟前女友分手，沒想到拍拖一段時間後，反從別人口中得知自己反而是第三者，「個男仔講大話太勁，我會信晒，受傷係冇諗過男仔啲大話可以咁犀利，真係晴天霹靂，後嚟即刻分手，到而家都已經冇聯絡。」
何廣沛分享自己慘被派帽事件，發生在10多年前在外國讀書的日子：「當時同女朋友分手後一直都藕斷絲連，冇乜所謂，當好似未一齊之前咁曖昧。有日放學返屋企，發現樓下停車場架車有兩個人頭郁下郁下，就見到其中一個就係我前女友，另一個就係我同房室友，我即刻黑晒面，真係幾難受，不過嗰個已經分咗手，我係連嘈嘅資格都冇。」
最後伍姑娘提到她的第一段婚姻，對方比她年長31年，她說：「外界以為我戀父，其實我唔係，當年我21歲，雖然佢大我31年，但外表頂多似40幾歲，佢有才華同有錢，好有男人嘅感覺，佢好叻，單單演講幾句，已經迷住我，我要嫁呢個人，大部分女人都鍾意才華嘅男人，當你鍾意嘅時候都已經唔記得咗佢幾多歲」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|