港姐冠軍陳庭欣（Toby）和彩豐行老闆楊振源（Benny）拍拖兩年多，二人表現恩愛早已融入家中，相反Benny則緋聞不絕，曾先後傳出和不少女性搭上，感覺風流，可憐正印女友陳庭欣每次都急於為男友解畫澄清以保對方形象，絕對有苦自己知。
近日Benny又傳出新緋聞，對象是33歲模特兒蔡佩賢（Kitty），指年初時陳庭欣介紹好友Kitty到男友於大角咀的酒吧做宣傳，結果和Benny日對夜對下撻着，更瞞着陳庭欣在酒吧中私會，即使被撞破兩次，陳庭欣依然為嫁入豪門噁忍。被指第3者的Kitty今月8日生日，日前才和男友恩愛慶祝，原來Kitty男友陳張敏是香港甲一籃球員，2009年以藝名陳浩明闖樂壇，加人組合4anda成員叫Manson，當時更有林峯接班人之稱，可惜在娛圈發展未如理想。
陳張敏和女友Kitty感情穩定，連日也和女友一同慶祝生日，Ktty亦未有因第三者身份影響心情，她昨日在IG上載兩張以香港夜景作為背景、手捧生日蛋糕照片，頭戴一個閃閃小后冠的她，還嘟嘴做出派心心手勢，不過歡樂背後有隱憂，她先寫上：「生日月朋友嘅祝福同關心收到晒，疫情繼續小心，身體健康。」附有紅心和笑容emoji。之後則說：「有啲事情笑下咪算囉，明就明啦。被安排嘅騷擾，早前已報警處理，我出入會小心㗎喇。」未知所指「被安排嘅騷擾」，和近日捲入陳庭欣和Benny之間有沒有關。
蘋果今日聯絡上Kitty，她透過whatsapp表示：「同陳小姐本身唔係好fd，一班朋友時候先會見。」相反大方直認和Benny是相識多年朋友，但否認報導中內容：「關於呢單新聞，我個人覺得無乜需要回應，因為當中都好多唔係事實。我同Benny其實認識多年，係朋友，亦有一些合作。」追問她所指「被安排嘅騷擾」是甚麼意思？Kitty說：「早前發生嘅被人騷擾事件，我都報咗警，唔明對方目的係乜嘢。」但未肯透露有否與陳庭欣有關。而昨日陳庭欣回覆傳媒查詢男友Benny和Kitty的緋聞時：「篇文章有假有真。簡單啲回應就係，我同呢個Kitty，唔係內文形容係好友，亦冇經常出去食飯飲酒，大家只係有共同朋友咁。而我最近都聽到呢個Kitty係一個唔正經嘅女仔，所以我唔會再聯絡佢，唔想近朱者赤，近墨者黑。」Kitty背負上「唔正經嘅女仔」之稱，不單沒有嬲怒，並回敬說：「被陳小姐話我唔正經嘅女仔，其實都係佢講㗎啫，我係比較佛系嘅人，影響唔到我，聽完就算，我出入小心啲啦唯有。」再附上一句意有所指：「我口才唔係叻，但係大家會明。」至於其他細節，Kitty則不再回應。
Kitty曾客串電影《喜愛夜蒲2》和《爛滾夫鬥爛滾妻》，去年亦有在大台劇集《多功能老婆》飾演癲婆，不過大多屬不起眼角色，反觀她在Model界的工作則比較多，經常在社交平台貼出品牌合作的照片，當中也不乏晒身材性感照。早已將幕前工作轉為兼職的Kitty，現正專注投資事業，亦有修讀財策師文憑。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|