ViuTV節目《全民造星III》的27歲參賽者張進翹（Manson），因被花姐指似Beyond主音黃家駒而人氣急升，但也不及他被翻10年前的公廁「4P」事件受注目，當年一宗涉及灣仔名校生在赤柱沙灘更衣室內自稱玩「4P」事件，指其中一位當事人是Manson，惟Manson潛水一日後，才在社交網解畫兼認是片中主角，但強調沒有玩「4P」，已令外界對他的形象多少都大打折扣。
雖然Manson外表青靚白淨，參賽以來均獲好評，曾被網民推算是三甲人馬，可是被翻出「4P」事件後，雖然打入20強，卻在昨晚與Alina（李靜蓮）對決時，因表演強差人意於20強止步。早前Manson在觀塘接受《蘋果》訪問，談到被花姐指似家駒，他謂︰「多謝花姐、林二汶同彭導（彭秀慧），好受寵若驚，多謝欣賞我。我會以新人嘅角度虛心學習，而其中一個學習對象就係家駒。」
生於1993年的Manson，當年正是家駒離世，問他往後如何認識及接觸到Beyond的歌曲，他自爆媽媽是Beyond fans︰「細細個就接觸到Beyond嘅音樂，因為我媽媽好鍾意Beyond，小學時佢送咗部MP3俾我，入面有好多Beyond嘅音樂。」自小被媽媽耳濡目染，接觸到流行音樂多是Beyond，他說︰「絕對係媽咪影響，而且佢係偶像嘅模範。」
在他眼中Beyond的歌曲很有感染力，他說︰「唱廣東話唱到咁有力量，真係只有家駒。大個時聽佢嘅歌，更加想了解佢嘅世界，佢嘅歌詞描寫嘅世界係點，佢嘅音樂同理想可以咁大，為咗呢個地方去諗，去貢獻佢嘅音樂，呢一點我就要向佢學習，好希望自己成為佢咁樣。」
自言是家中獨子的Manson，跟媽媽是零代溝，他說︰「媽媽好喜歡聽歌，影響我都喜歡音樂，佢都會聽新歌，我哋一齊聽又會交流吓，所以我哋係零代溝。」他更指媽媽是他的「靈感女神」，除了陪他作曲，又會聆聽他的作品再給意見。他更說︰「以下嘅說話可能好奇怪，係媽媽同我講，植物係識聽音樂，佢哋係有生命，所以要尊重生命，尊重身邊一切。」
首季《全民造星》令姜濤成為炙手可熱的歌手，問到Manson認為自己能否成為第二個姜濤？他說︰「冇，如果以姜濤，冇咁諗，只係想搵到自己。每個人都有其獨特性，唔好諗做第二或第三，要做最好嘅自己，因為只有你自己一個。」其實Manson已入行4年，他是導演麥曦茵旗下的藝人，曾參與《香港大師》、《理想國》的演出，藉着參加《全民造星III》令人認識。對於今次參賽，他自言經歷是無價，「感受好多，呢個經歷一時間好難去講，但慶幸自己有參加，學到嘅嘢係無價。」談到競爭對手又是朋友如顧定軒，他說︰「好矛盾又現實，大家都係向同一個方向進發，好似搵到同路人嘅感覺。」
當年只有17歲的Manson，曾以MK look打扮攬女，又拍下曾登上港聞令人咋舌的疑玩4P片段。跟10年後的Manson談及擇偶條件，他坦言現階段單身，並謂︰「冇乜嘢擇偶條件，要啱感覺，鍾意好瘦嘅女仔同埋natural啲⋯⋯（唔好整過容？）係啩。」過往拍過拖的他，坦言將來要做個更好的男人，他說︰「無論對自己定未來嘅女朋友，希望自己做到be a better man。」但願如此。
撰文︰羅婉玲
攝影︰林賓尼
攝錄︰葉君海、廖達燊
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|