36歲周柏豪成家立室，似乎終於想通了，為妻為女為自己都好，繼早前在社交網感激做中國人，昨日更現身由大公文匯集團高層持股的網媒「點新聞」節目，扮「矮仔」聽阿叻教誨，揚言要發揮正能量。大陸小粉紅仍在猶豫是否批准身份立場成疑的「比比鳥」闖關出騷，意志堅定的周柏豪，原來早有盤算，今次索性背城借一放手一搏，放棄本土市場，投奔藍營，擁抱大中華賺人仔行列，成為新一代藍神Icon，早前不少fans仍猜測他是「暗黃」，相信今次可以徹底死心了。
周柏豪昨日在節目分享其修身齊家愛港愛國理念，情操「高尚」，字字「珠璣」，表忠毫無懸念，引來一眾網民洗板式狙擊，就連多次為公義發聲的藝人阮民安，忍不住在facebook留言爆粗：「佢真係為咗人民幣可以去到幾咁盡？深喉咁！係咪入咗無綫，就搞到你OnXX咁呢？我知，書簿費、奶粉錢、尿片錢，樣樣都係錢！但係你都要知道呀，你唱歌又難聽，啲戲又X，人民幣唔會畀你賺得幾耐嘅咋！得，你决定唔要香港市場，香港人都一定會割X你，就睇吓邊個死先！喂，有冇人準備攞佢啲CD出嚟揼X爛晒佢？X柏豪，你係時候真係要收X啦。」
曾志豪昨晚貼出周柏豪受訪的截圖，留言「劇本：『劫後餘生。』」、「主題：洗底。」直指周柏豪上節目「洗黃底」。前商台DJ Leo在facbook說：「你未必是所有人的男神，但必定是所有人的藍神！」影射周柏豪投奔藍營。至於有官司在身的王宗堯，同樣在facebook有感而發：「做戲前真的先要做好一個人，絕不可為搵食賺錢，屈就自我、模糊道德，做事沒底線。」而前港姐譚小環老公渣哥亦忍唔住在facebook發聲說：「我從來無睇你嘅戲，我從來無買過你嘅CD，甚至唔知你唱過咩歌，但係都好想同你講，記得帶個女去大灣區接受教育，唔好去外國搵人哋阿媽，香港人嚟緊幾十年會睇實你，最後因為渣哥係斯文人，只能禮貌地同你講聲：Hi，你好，XXLM！」藍奕邦unfollow周柏豪之餘，亦教對方如何做一個有良知的「隔籬屋師奶」，他說：「阿媽點教仔，隔籬屋師奶係唔應該插手，但而家係，阿媽日日家暴阿仔到流血，阿仔叫救命，冇人幫手會有人死，但阿媽依然覺得自己無錯，仲要阿爸話唔好報警，阿哥仲話『大家都係一家人』，而家姐仲話家暴係愛的表現，你呢個隔籬屋師奶唔知乜嘢係愛。」再hashtag#典型藍絲思維。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|