無綫藝人鄭衍峰下午現身電視城，出席節目《港產旅行團》記者會。期間被追問緋聞女友馮盈盈約會西裝男食貴價意大利菜一事，他輕鬆回應：「我都係入到嚟呢度先知，未有機會了解相關報道。咁朋友約食飯都好正常啫，我都會約其他女性朋友飯敍。（嗰餐飯食咗3,000蚊！）我諗咁多年我喺TVB canteen請佢食飯，加加埋埋都唔止呢個數啦，有200幾餐㗎。」
同馮盈盈好少見！
他坦言近日盈盈忙拍《天天開運王》，所以雙方甚少見面，各有各忙。當記者指稱對生活得精彩，他即謂：「咁我都好精彩，拍完呢個節目都keep住行山，拍節目時又有戴祖儀同林穎彤呢啲靚女陪住，發現好多香港嘅隱世風景。（咁新年前會唔會約盈盈去買吓桃花、辦吓年貨？）嘩，我哋已經好多桃花，唔使買喇！」
他又爆觀眾有眼福：「因為戴祖儀佢哋會帶觀眾去酒店staycation，佢哋仲會浸浴。（你有冇露？）露咗一吓，但當時我唔係咁滿意自己身形囉，肌肉量唔得。（驚唔驚盈盈食肥咗，帶埋佢一齊去操弗？）呢方面佢好懶，不過冬天大家唔想做運動，明嘅。」
來源 source: http://hk.on.cc
|
鍾意就快D Share啦！
|
|
|
