台灣天王周杰倫（周董）同嫩口老婆昆凌一直人前恩愛，最近更有傳昆凌佗緊第3胎，真係恨死隔籬。不過尋日周杰倫突然上熱搜，原來係佢被營銷號攞番3年前遭誤傳出軌、包養空姐小三嘅假八卦出嚟講，該名空姐2018年時就澄清自己只係晒同周杰倫於演唱會前嘅合影，卻被有心人看圖作文，否認謠言。
原來係大陸一個網上論壇突然有人發文，稱周杰倫同1名大陸空姐過從甚密，男方更喺上海買豪宅畀小三同小孩，並附上合影，但眼尖網友就發現係舊聞，當時該名空姐早嚴正澄清：「當天有1百人左右都跟周杰倫拍了合影，我們並不認識，也沒有發生網上謠傳的事情。感謝大家。」
對此，周董粉絲即被辣㷫，暗指偶像係因為要為某藝人嘅負面新聞轉移視線而被炒舊聞：「這是給誰擋槍大家都看得出來吧」、「就是轉移視線」、「網絡真的造謠一張嘴」。
來源 source: http://hk.on.cc
|
鍾意就快D Share啦！
|
|
|
