見咁多人翻唱，就知勁Hit！
歌手莫文蔚（Karen）在勁歌金曲頒獎禮憑《呼吸有害》奪得「金曲金獎」，橫掃四大頒獎禮的歌曲大獎，她開心表示：「我真係發夢都估唔到首歌咁爆！上年首歌同劇集推出時我都唔喺香港，之後發覺原來好多人都鍾意首歌同好多人翻唱，令我更想快啲返嚟。」講到她在4個頒獎禮合共奪得6獎，她表示從未試過，最開心是歌曲得到大家共鳴：「累積咗多年努力，咁啱呢個時候有咁好嘅收穫。」
問到之後可會唱多些唱劇集主題曲？ 她謂：「呢啲可遇不可求，最重要係作品啱我唱，嚟緊我都會做廣東歌，希望今年可以喺香港做埋巡迴演唱會最後一站，希望喺夏天，但都要視乎疫情，唔緊要，我會繼續等待。」她謂這段時間會留港陪媽媽，但老公就身在歐洲：「但嗰邊依家疫情嚴重。（擔心？）擔心㗎，好彩佢都係留喺屋企做嘢，睇吓佢之後可唔可以過嚟，呢邊安全啲，但佢都要睇情況，隔離都唔容易。」
來源 source: http://hk.on.cc
|
鍾意就快D Share啦！
|
|
|