出爐視帝后王浩信、蔡思貝在電視城為台慶頒獎禮取得好成績慶功，準備了蛋糕、果籃答謝公司各部門同事。王浩信表示得獎後沒有慶祝，問到女兒也沒有為他慶祝？他說：「都冇，因為自己都唔食得甜嘢，同埋都好少食蛋糕，佢知道我攞獎嘅，都有恭喜我，戥我開心。」
講到蔡思貝的緋聞男友胡鴻鈞在《勁歌金曲》頒獎禮，與周柏豪雙雙奪得「最受歡迎男歌星」獎項，她說：「好戥佢開心，佢第一次攞呢個獎。（個獎得一半？）Happy Share嘛，同佢係同一個年代嘅藝人，佢屬於音樂範疇，我就係演藝路上，但係大家一直好似並肩作戰咁。（佢叫你唔好唱歌搶佢飯碗？）佢冇理由咁冇自信，佢係唱歌小王子，我唱歌只係玩，畀條生路行吓好喎。（會唔會食飯慶祝？）未恭喜佢，大家係朋友都會食飯慶祝。（大家都攞獎邊個請？）咁AA制啦，哈哈。」
對於被傳搭上有米人夫？她說：「唔係事實嘅嘢唔回應，所以今次都好靜態去回應，希望大家睇到我努力工作，會覺得我係值得攞呢個獎，唔需要去澄清，用時間去證明我工作上嘅努力。」
來源 source: http://hk.on.cc
|
鍾意就快D Share啦！
|
|
|