Jacky仔去日本發展！
童星出身、人稱Jacky仔嘅王樹熹，前年重返無綫拍攝劇集《她。她。她的少女時代》，不過日前佢就喺社交網發文，宣布將離開香港，搬去日本定居及發展，佢晒出一張於機場離境時拍下嘅照片，並表示：「初時都係抱著（着）試吓嘅心情申請，竟然符符碌碌就合格咗。雖然去日本就代表要放棄香港嘅生活同工作，但係最後都下定決心挑戰，去一個似乎熟悉卻唔熟悉嘅地方，跳出自己嘅舒適圈。」
佢又多謝屋企人及朋友嘅支持及鼓勵，並指：「接近20年嘅演藝生涯，好高興可以同觀眾以及一直支持我嘅粉絲一齊成長。今次嘅挑戰雖然唔係向演藝嘅道路發展，但係都係我依家最想嘗試嘅事。我會繼續分享我係日本嘅經歷同趣事，希望你哋繼續陪著（着）我啦。」
來源 source: http://hk.on.cc
|
鍾意就快D Share啦！
|
|
|
